القالى جيىننىڭ تىزگىنىن ءتىل ءبىلىمى ينستيتۋتىنىڭ ديرەكتورى, فيلولوگ-عالىم انار فازىلجان ۇستادى. ول شورا شامعالي ۇلىنىڭ قازاق ديالەكتىلەرىن تۇگەندەپ, ونىڭ ديالەكتولوگيالىق قورى مەن تۇڭعىش ديالەكتولوگيالىق سوزدىگىن جاساعان ەڭبەگىن ەرەكشە اتاپ ءوتتى.
«بۇل ەڭبەكتەر وزەكتىلىگىمەن وتە قۇندى. سۇرانىسقا دا يە. سوندىقتان ايتۋلى اكادەميكتىڭ عىلىمعا سىڭىرگەن ەڭبەگى ەشقاشان ەل جادىنان ۇمىتىلمايدى. ونىڭ ەسىمى عىلىم مەن رۋحانياتىمىزدىڭ التىن قورىنا جازىلدى», دەدى ا. فازىلجان.
كورنەكتى عالىمنىڭ كوزى تىرىسىندە ديالەكتولوگيا, لەكسيكولوگيا جانە التاي تىلدەرىنىڭ تاريحىن زەرتتەپ, 20-دان استام مونوگرافيا جازىپ, 300-دەن استام عىلىمي ماقالاسى جاريالانعان. بۇل ەڭبەكتەرىنىڭ دەنى وزبەك, اراب, قىرعىز, تاتار, تۇرىك تىلدەرىنە اۋدارىلعان.
جيىن بارىسىندا عالىمنىڭ ۇلى, ازياداعى ءوزارا ءىس-قيمىل جانە سەنىم شارالارى كەڭەسىنىڭ باس حاتشىسى, ەلشى قايرات سارىباەۆ اكەسى تۋرالى جىلى ەستەلىك ايتتى. باۋىرلاس مەملەكەتتەردەن كەلگەن عالىمدار اكادەميك شىعارماشىلىعى تۋرالى پاراساتتى وي قوزعادى. سونداي-اق اكادەميكتەر ز.بازارباەۆا, ك.قۇرماناليەۆ, پروفەسسورلار ق.كۇدەرينوۆا, ن.ءۋالي, ج.مانكەەۆا, ە.وماروۆ, م.مالباقوۆ جانە تاعى باسقا عالىمدار «عىلىمنىڭ وشپەس شىراعى», «اكادەميك شورا سارىباەۆ: ۇلتتىق قۇندىلىقتار ماسەلەلەرى», «شورا سارىباەۆ جانە قازاق ديالەكتولوگياسى» اتتى تاقىرىپتاردا بايانداما جاساپ, عالىمنىڭ ونەگەلى ومىرىنەن سىر شەرتتى. اكادەميكتىڭ قىزى, پروفەسسور مايرا سارىباەۆانىڭ «فيلولوگتىڭ الەمى: شورا سارىباەۆ» اتتى كىتابى تانىستىرىلدى. «كەل, ءسوز مارجانىن جينايىق» تاقىرىبىندا وتكەن بايقاۋدىڭ قورىتىندىسى جاريالاندى. سونىمەن قاتار ءىس-شارا اياسىندا ء«تىل تاعدىرى جانە عالىم ۇلاعاتى» تاقىرىبىندا كورمە ۇيىمداستىرىلىپ, وعان عالىمنىڭ جيناعان جەكە كوللەكتسيالارى مەن سۋرەتتەرى, قولجازبالارى, كىتاپتارى قويىلدى.
الداعى ۋاقىتتا ا.بايتۇرسىن ۇلى اتىنداعى ءتىل ءبىلىمى ينستيتۋتى اكادەميكتىڭ تۋعانىنا 100 جىلدىعىنا وراي حالىقارالىق كونگرەسس وتكىزۋدى جوسپارلاپ وتىر. وندا عالىمنىڭ تىلتانىمدىق مۇراسى, ءتىل عىلىمىنىڭ قازىرگى فيلولوگيا, تۇركولوگيا مەن ديالەكتولوگيانىڭ وزەكتى ماسەلەلەرى تالقىلانباق.
ەلۆيرا بوكەنباەۆا,
جۋرناليست
الماتى
