جۇمىس ساپارىنا ورتالىق مەملەكەتتىك ورگانداردىڭ, ۇكىمەت اپپاراتىنىڭ وكىلدەرى, سونداي-اق الماتى وبلىسىنىڭ اكىمى مارات سۇلتانعازيەۆ قاتىستى.
تەكسەرۋ بارىسىندا قوناەۆ قالاسىنداعى كوممۋنالدىق جاعاجايلار مەن «ASP Arena» كوپفۋنكتسيونالدى كەشەنى قارالدى. وبلىس اكىمدىگى مەن بەيىندى قىزمەتتەر سانيتارلىق دايىندىق, قاۋىپسىزدىك شارالارى, مەديتسينالىق, قۇتقارۋ مەن قۇقىق قورعاۋ قىزمەتتەرىنىڭ جۇمىسى, سونداي-اق دەمالۋشىلارعا قولايلى جاعداي جاساۋ جونىندە باياندادى.
ايدا بالاەۆا نىسانداردىڭ تولىق دايىندىعىن ءدال قازىردەن باستاپ قامتاماسىز ەتۋ قاجەتتىگىنە ەرەكشە نازار اۋداردى. سونىمەن قاتار حالىقپەن ۋاقىتىلى ءتۇسىندىرۋ جۇمىسىن جۇرگىزۋدىڭ, سۋداعى قاۋىپسىزدىكتى, ازىق-ت ۇلىك قاۋىپسىزدىگىن قامتاماسىز ەتۋدىڭ, قوعامدىق ءتارتىپتى ساقتاۋدىڭ ماڭىزدىلىعىن اتاپ ءوتتى.
سونىمەن بىرگە بارلىق جاعاجايلار مەن دەمالىس ايماقتارى اكىمدىكتەردىڭ قاراۋىندا ەمەس ەكەنى دە ارنايى ايتىلدى. وسىعان بايلانىستى ۆيتسە-پرەمەر جەكەمەنشىك نىسانداردىڭ يەلەرى دە تازالىققا, قوعامدىق تارتىپكە, ينفراقۇرىلىمنىڭ جاي-كۇيىنە, سونداي-اق ەڭ الدىمەن ادامداردىڭ سۋداعى قاۋىپسىزدىگىنە تولىق جاۋاپكەرشىلىكپەن قاراۋعا ءتيىس ەكەنىن ايتتى. وبلىس اكىمدىگىنە دەمالىس ايماقتارى يەلەرىنىڭ اتىنا قاۋىپسىزدىكتى قامتاماسىز ەتۋ, سانيتارلىق تالاپتاردى ساقتاۋ مەن جازعى ماۋسىم كەزەڭىندە جۇمىستى ءتيىستى دەڭگەيدە ۇيىمداستىرۋ جونىندەگى ۇسىنىمدار قامتىلعان ءتيىستى حابارلامالار ازىرلەۋ تاپسىرىلدى.
بۇدان بولەك, تۋريزم جانە سپورت مينيسترىنە تۋريستىك نىساندار يەلەرى مەن جەكە كومپانيالاردىڭ قاجەتتى ينفراقۇرىلىمدى قامتاماسىز ەتۋىنە, قاۋىپسىزدىك تالاپتارىن ساقتاۋىنا, بەلگىلەنگەن نورمالاردى ورىنداۋىنا قاتىستى جاۋاپكەرشىلىگىن رەتتەيتىن قۇقىقتىق تەتىكتەردى پىسىقتاۋ جۇكتەلدى. جەكەمەنشىك دەمالىس ايماقتارى ازاماتتار مەن مەملەكەت الدىنداعى ءتيىستى جاۋاپكەرشىلىكسىز تەك كوممەرتسيالىق قىزمەتپەن شەكتەلمەۋگە ءتيىس ەكەنى باسا ايتىلدى.
پرەمەر-ءمينيستردىڭ ورىنباسارى تۋريستىك ايماقتاردا جۇمىس ىستەيتىن قوعامدىق تاماقتانۋ ورىندارى مەن وزگە دە سەرۆيستىك نىساندار قىزمەتىنىڭ زاڭدىلىعىن باقىلاۋ قاجەتتىگىنە دە ايرىقشا كوڭىل ءبولدى. ۋاكىلەتتى ورگاندار ەڭبەك زاڭناماسىنىڭ ساقتالۋىن, قىزمەتكەرلەرمەن, ونىڭ ىشىندە جۇمىسقا تارتىلاتىن جاستارمەن, ستۋدەنتتەرمەن جاسالعان ەڭبەك شارتتارىنىڭ بولۋىن, سونداي-اق ەڭبەك قاۋىپسىزدىگى تالاپتارىنىڭ ورىندالۋىن ۇدايى تەكسەرۋى قاجەت. ازاماتتاردىڭ قۇقىقتارى تولىق كولەمدە ساقتالۋعا ءتيىس. بۇل دەمالۋشىلاردىڭ دا, جەرگىلىكتى تۇرعىندار مەن قىزمەتكەرلەردىڭ دە قۇقىقتارىنا بىردەي قاتىستى.
سونىمەن قاتار كولىك لوگيستيكاسى, اۆتوتۇراقتاردىڭ جەتكىلىكتىلىگى, جول قوزعالىسىن ۇيىمداستىرۋ, جاپپاي دەمالىس ورىندارىنداعى كولىك اعىنىن رەتتەۋ ماسەلەسى دە كوتەرىلدى. قوعامدىق ءتارتىپ پەن قاۋىپسىزدىك تالاپتارىن بۇزۋعا قاتاڭ ارەكەت ەتۋ قاجەتتىگى دە ايتىلدى. ايدا بالاەۆا بارلىق بەلگىلەنگەن تالاپتار مۇلتىكسىز ساقتالۋعا ءتيىس ەكەنىن, ال قۇقىق بۇزۋشىلارعا قاتىستى شارالار ۋاقتىلى ءارى زاڭناماعا سايكەس قابىلدانۋى قاجەت ەكەنىن اتاپ ءوتتى.
«تازا قازاقستان» يدەولوگياسى جاي ۇران بولىپ قالماي, تۋريستىك نىسانداردىڭ جاي-كۇيىنەن كورىنىس تابۋى كەرەك. ول تازالىقتان, تارتىپتەن, كەڭىستىكتىڭ تۇسىنىكتى ۇيىمداستىرىلۋىنان, ورتاق دەمالىس ورنىنا دەگەن قۇرمەتتەن بايقالۋعا ءتيىس. ال «زاڭ مەن ءتارتىپ» قاعيداتى بارلىق قىزمەتتىڭ ناقتى ءارى ۇيلەسىمدى جۇمىسىنان, قاۋىپسىزدىك تالاپتارى مەن قوعامدىق ءتارتىپ نورمالارىن بۇزعاندارعا قاتىستى شارالاردىڭ بۇلتارتپاي قولدانىلۋىنان كورىنۋى قاجەت», دەدى ا.بالاەۆا.
جۇمىس ساپارىنىڭ قورىتىندىسىندا پرەمەر-ءمينيستردىڭ ورىنباسارى اۋماقتاردىڭ سانيتارلىق جاعدايىن كۇشەيتۋدى, ينفراقۇرىلىم مەن قاۋىپسىزدىك قىزمەتتەرىنىڭ دايىندىعىن قامتاماسىز ەتۋدى, حالىقپەن پروفيلاكتيكالىق ءتۇسىندىرۋ جۇمىستارىن جانداندىرۋدى, سونداي-اق كوممۋنالدىق جانە جەكەمەنشىك دەمالىس نىساندارىنا جۇيەلى باقىلاۋ ورناتۋدى تاپسىردى. سونىمەن بىرگە زاڭدىلىقتىڭ ساقتالۋىنا, ازاماتتاردىڭ ەڭبەك قۇقىقتارىن قورعالۋىنا, مەنشىك يەلەرىنىڭ قاۋىپسىزدىك, ءتارتىپ پەن كورسەتىلەتىن قىزمەت ساپاسى ءۇشىن جاۋاپكەرشىلىگىنە ەرەكشە ءمان بەرىلدى.
الماتى وبلىسى
