جالپى قۇنى 70 ملرد تەڭگە بولاتىن جوبا 2026–2028 جىلدارى ىسكە اسىرىلادى. ونى ىسكە قوسۋ كەمىندە 160 تۇراقتى جۇمىس ورنىن قۇرۋعا, ەل ىشىندە اعاش وڭدەۋدى كەڭەيتۋگە, دايىن ءونىم ءوندىرىسىن ارتتىرۋعا ءارى ءوڭىردىڭ ونەركاسىپتىك الەۋەتىن كۇشەيتۋگە مۇمكىندىك بەرەدى. زاۋىتتىڭ وندىرىستىك قۋاتى جىلىنا شامامەن 600 تەكشە مەتر اعاش-جاڭقالى پليتالار (دسپ) مەن 20 ملن شارشى مەتر لاميناتتالعان اعاش-جاڭقالى پليتالاردى (لدسپ) قۇرايدى.
كەلىسىم وتاندىق وندىرۋشىلەردىڭ تاۋارلارىن, شيكىزاتىن, جۇمىستارى مەن قىزمەتتەرىن مىندەتتى تۇردە پايدالانۋدى كوزدەيدى. ينۆەستور دايىن ءونىمنىڭ كەمىندە 50%-ىن ىشكى نارىققا باعىتتاۋعا مىندەتتەلەدى. كاسىپورىن جوبالىق قۋاتتىڭ 80%-ىنا شىققاننان كەيىن وتاندىق دايىن ءونىم ەكسپورتىنىڭ كولەمى جىلىنا 60 مىڭ تەكشە مەترگە دەيىن جەتەدى.
ءوڭىردى الەۋمەتتىك قولداۋ مىندەتتەمەلەرى دە بەكىتىلگەن. سونداي-اق ينۆەستور جۇمىسكەرلەردى ۇزدىكسىز وقىتۋ جۇيەسىن ەنگىزۋگە, ولاردىڭ بىلىكتىلىگىن ارتتىرۋدى قامتاماسىز ەتۋگە مىندەتتەلەدى.
جوبانى ىسكە اسىرۋ اعاش وڭدەۋ سالاسىنىڭ دامۋىنا, جەرگىلىكتى مازمۇندى ارتتىرۋعا, جۇمىسپەن قامتۋدى كەڭەيتۋگە, ەلىمىزدىڭ وڭدەۋ ونەركاسىبىنىڭ ەكسپورتتىق الەۋەتىن نىعايتۋعا ىقپال ەتەدى.
