فوتو: ەرلان ومار|egemen.kz
تالاپ قويۋشى ءوز وتىنىشىندە كۇندەلىكتى تۇرمىستىق قاجەتتىلىكتەرى مەن ءدارى-دارمەككە تۇراقتى شىعىندارى بار ەكەنىن العا تارتىپ, قىزىنىڭ تاراپىنان ماتەريالدىق قولداۋ كورسەتىلمەيتىنىن كورسەتكەن.
الايدا سوت ءىستى قاراۋ بارىسىندا «نەكە (ەرلى-زايىپتىلىق) جانە وتباسى تۋرالى» كودەكستىڭ 145-بابىنىڭ تالاپتارىنا سايكەس, كامەلەتكە تولعان بالالار تەك ەڭبەككە جارامسىز ءارى ناقتى كومەككە مۇقتاج اتا-انالارىن عانا اسىراۋعا مىندەتتى ەكەنىن نازارعا العان.
ءىس ماتەريالدارىنا سايكەس, تالاپ قويۋشىنىڭ اي سايىن 128 229 تەڭگە كولەمىندە زەينەتاقى الاتىنى, سونداي-اق ونىڭ جىلجىمايتىن مۇلكى مەن جەكە اۆتوكولىگى بار ەكەنى انىقتالعان. سونىمەن قاتار ونىڭ ەم-دومعا تۇراقتى ءارى دالەلدەنگەن ۇلكەن شىعىندارى تۋرالى قۇجاتتار سوتقا ۇسىنىلماعان.
جاۋاپكەر رەتىندە تارتىلعان قىزى ءوز كەزەگىندە ەكى بالانى جالعىز تاربيەلەپ وتىرعانىن, تابىسىنىڭ تومەن ەكەنىن ايىنا 85 مىڭ تەڭگە جالاقى الاتىنىن جانە وتباسىلىق جۇكتەمەسى جوعارى ەكەنىن ايتىپ, تالاپپەن كەلىسپەگەن.
سوت سونداي-اق تالاپ قويۋشىنىڭ ماتەريالدىق جاعدايى ومىرلىك قاجەتتىلىكتەرىن وتەۋگە جەتكىلىكتى ەكەنىن, ال قوسىمشا كومەككە مۇقتاج ەكەندىگى ناقتى دالەلدەنبەگەنىن اتاپ ءوتتى. بۇدان بولەك, تاراپتار اراسىنداعى بۇرىننان قالىپتاسقان كەلىسپەۋشىلىكتەر دە داۋدىڭ ۋشىعۋىنا اسەر ەتكەنى كورسەتىلگەن.
باتىس قازاقستان وبلىسىندا اليمەنت تولەمەگەن بورىشكەر باس بوستاندىعىنان ايىرىلدى
بارلىق ءمان-جايدى ەسكەرە وتىرىپ, سوت تالاپ قويۋشىنى زاڭنامادا كورسەتىلگەن «كومەككە مۇقتاج» ساناتىنا جاتقىزۋعا نەگىز جوق دەگەن قورىتىندىعا كەلىپ, تالاپتى قاناعاتتاندىرۋدان باس تارتتى.
سوت شەشىمى زاڭدى كۇشىنە ەندى.
ەسكە سالا كەتەيىك, ءماجىلىس نوتاريات سالاسىنا باعىتتالعان زاڭ جوباسىنا وزگەرتۋلەر ەنگىزدى. زاڭعا ەنگىزىلگەن تۇزەتۋلەرگە سايكەس, ازاماتتارعا اليمەنت قاراجاتىن قابىلداۋ ءۇشىن بانكتە ارنايى بولەك شوت اشۋ مۇمكىندىگى بەرىلەدى.
جانبوتا باحىتبەك,
ەۇۋ ستۋدەنتى
