باعانى وسىرۋگە نەگىز جوق

ينفلياتسيانىڭ باياۋلاۋ ءۇردىسى التى اي قاتارىنان ساقتالىپ وتىر. بىلتىرعى قىركۇيەكتەگى 12,9%-دان بيىلعى ناۋرىز ايىندا 11,0%-عا دەيىن تومەندەدى. رەتتەلەتىن قىزمەتتەر سالاسىندا بۇل ناتيجە تابيعي مونوپوليا سۋبەكتىلەرىنىڭ وپەراتسيالىق شىعىندارىن وڭتايلاندىرۋ ەسەبىنەن قامتاماسىز ەتىلدى. الەۋمەتتىك ماڭىزى بار ازىق-ت ۇلىك تاۋارىن (31 اتاۋ) وندىرۋشىلەرگە باعانى تۇراقتاندىرۋ ماقساتىندا ەلەكتر ەنەرگياسى مەن تەمىرجول تاسىمالدارى تاريفتەرىن 70%-عا دەيىن تومەندەتۋ شارالارى قاراستىرىلعان.

ناۋرىز ايىندا جىلدىق ازىق-ت ۇلىك ينفلياتسياسى 11,7%-دى قۇراپ, 1%-دىق تارماققا تومەندەدى. ءساۋىردىڭ ءبىرىنشى اپتاسىندا الەۋمەتتىك ماڭىزى بار ازىق-ت ۇلىك تاۋارلارى باعاسىنىڭ ورتاشا ءوسىم يندەكسى نولدىك دەڭگەيدە ساقتالدى (بىلتىرعى سايكەس كەزەڭدە – 1,6%). قيار (-9,7%), پياز (-2,3%), قىرىققابات (-1,7%) باعاسىنىڭ تومەندەۋ ءۇردىسى جالعاسىپ جاتىر. سونىمەن قاتار بالىق (-0,7%), قىزاناق (-0,6%), ۇن مەن كۇنباعىس مايى (-0,2%) جانە وزگە دە ازىق-ت ۇلىك تاۋارلارى ارزاندادى.

باعانى ودان ءارى تۇراقتاندىرۋ ماقساتىندا ساۋدا جانە ينتەگراتسيا مينيسترلىگى مال شارۋاشىلىعى وداعىمەن مەموراندۋمعا قول قويۋ ماسەلەسىن پىسىقتاپ جاتىر. قۇجات جىل سوڭىنا دەيىن ەت ونىمدەرىنىڭ بەلگىلى ءبىر توبىنا شەكتى باعالاردى بەلگىلەۋ ەسەبىنەن ىشكى نارىقتى ساۋدا جەلىلەرى ارقىلى قامتاماسىز ەتۋدى كوزدەيدى.

ماۋسىمارالىق كەزەڭدە ىشكى نارىقتى كوكونىس ونىمدەرىمەن قامتاماسىز ەتۋ ماقساتىندا قازاقستان دەلەگاتسياسىنىڭ وزبەكستان رەسپۋبليكاسىنا جۇمىس ساپارى ۇيىمداستىرىلدى. دەلەگاتسيا قۇرامىنا ساۋدا جانە ينتەگراتسيا مينيسترلىگىنىڭ, وبلىس اكىمدىكتەرىنىڭ, سونداي-اق ءىرى ساۋ­دا جەلىلەرىنىڭ وكىلدەرى كىردى.

ساپار بارىسىندا الەۋمەتتىك ماڭىزى بار ازىق-ت ۇلىك تاۋارلارى تىزبەسىنە كىرەتىن جەمىس-كوكونىس ونىمدەرىن وندىرەتىن ءارى ەكسپورتتايتىن جەتەكشى وزبەك كاسىپورىندارىمەن ەكىجاقتى كەلىسسوزدەر جۇرگىزىلدى. وندا ەلىمىزدىڭ ىشكى نارىعىنا ەكسپورتتى ۇلعايتۋ ماسەلەسىنە باسا نازار اۋدارىلدى. سونىمەن قاتار دەلەگاتسيا سۋرحانداريا وبلىسىنىڭ بىرقاتار اۋدانىن ارالاپ, ءونىمدى ءوسىرۋ, جيناۋ, بۋىپ-ءتۇيۋ, ساقتاۋ جۇمىسىمەن تانىستى. ءونىم ساپاسىنىڭ جوعارى ەكەنى ايتىلىپ, ونى وتاندىق ستاندارتتارعا سايكەستەندىرۋ ماقساتىندا قوسىمشا كاليبرلەۋ قاجەتتىگى كورسەتىلدى.

كەلىسسوزدەر بارىسىندا لوگيس­تيكانى ەسكەرە وتىرىپ, ەلىمىزدىڭ كوتەرمە نارىعىنداعى باعادان تومەن باعامەن جاڭا ونىمنەن 1,4 مىڭ توننا ءسابىز, 400 توننا قىرىققاباتتى پيلوتتىق جەتكىزۋ جونىندە الدىن الا كەلىسىمدەرگە قول جەتكىزىلدى. ءونىم ساپاسىن باقىلاۋدى وزبەك تاراپى جۇزەگە اسىرادى. ال جەتكىزۋ ەلدەگى تاسىمالداۋشىنىڭ قاتىسۋىمەن «جاسىل ءدالىز» تەتىگى ارقىلى ۇيىمداستىرىلادى. سونىمەن قاتار تاراپتار ەكىجاقتى تا­ۋار اينالىمىن ودان ءارى كەڭەيتۋ پەرسپەكتيۆالارىن, ونىڭ ىشىندە يمپورتقا قاجەتتى تا- ۋا­ر­­­­لار تىزبەسىن قالىپتاستىرۋ ماسەلەلەرىن تالقىلادى.

اۋىل شارۋاشىلىعى مينيسترلىگىنىڭ مالىمەتىنشە, قازىر وڭىرلىك تۇراقتاندىرۋ قورلارىندا بىلتىرعى كوكونىس ونىمدەرىنىڭ جالپى كولەمى 29,5 مىڭ توننانى قۇرايدى. سونىمەن قاتار جالپى كولەمى 13,1 مىڭ توننا ەرتە پىسەتىن كوكونىستەر بويىنشا كەلىسىمشارتتار جاسالىپ جاتىر. ونىڭ ىشىندە 10,8 مىڭ تونناسى – تۇركىستان وبلىسى فەرمەرلەرىنىڭ ءونىمى. بۇل ىشكى سۇرانىستى وتاندىق ءوندىرىس ەسەبىنەن قامتاماسىز ەتۋگە جول اشادى.