فوتو: senate.parlam.kz
سەناتور باۋىرجان قانيەۆتىڭ ايتۋىنشا, الەۋمەتتىك تۇرعىن ءۇي قۇرىلىسىنا بولىنەتىن قارجى جەتكىلىكسىز, جاڭا قۇرىلىستاردىڭ ساپاسى تومەن جانە الەۋمەتتىك تۇرعىن ءۇي كەشەندەرىن سالۋ قارقىنىنان ينفراقۇرىلىمنىڭ قۇرىلىسى ارتتا قالدى. بۇگىندە اتالعان ماسەلە وزەكتى بولىپ وتىر.
«قازىردىڭ وزىندە كەزەكتە 651 مىڭ ادام تۇر, كورسەتكىش 2012 جىلمەن سالىستىرعاندا 8 ەسە ءوسىپ وتىر. الەۋمەتتىك تۇرعىن ءۇي قۇرىلىسىن قارجىلاندىرۋ كولەمى حالىقتىڭ قاجەتتىلىگىن قاناعاتتاندىرۋ ءۇشىن جەتكىلىكسىز. حالىقتى تۇرعىن ۇيمەن قامتاماسىز ەتۋ ماسەلەسىن شەشۋ ءۇشىن ونەركاسىپ جانە قۇرىلىس مينيسترلىگىندە قانداي كەشەندى شارالار قابىلدانىپ جاتىر؟ ىسكە اسىرىلعان تۇرعىن ءۇي باعدارلامالارى بويىنشا تالداۋ بار ما, ونىڭ ىشىندە قانداي ماسەلەلەر كوتەرىلدى؟», دەپ سۇرادى سەناتور ونەركاسىپ جانە قۇرىلىس مينيسترىنەن.
