فوتو: gov.kz
جوبا ەلوردا اكىمدىگىنىڭ باستاماسى بولىپ سانالادى, مەملەكەت باسشىسى ايتقان «جالپىعا بىردەي جۇمىسپەن قامتۋ» قاعيداتىن ورىنداۋ ماقساتىندا ىسكە اسىرىلىپ كەلەدى. بىرلەسكەن وپەراتور – «جاڭا مۇمكىندىك» قوعامدىق قورى.
«JOLTAP» جوباسى كىرىستەردى ارتتىرۋ بويىنشا مۇمكىندىكتەردىڭ كەشەندى ەكوجۇيەسى بولىپ سانالادى جانە بىرنەشە كەزەڭدەردە ىسكە اسىرىلىپ جاتىر.
ءبىرىنشى كەزەڭ – ادامدار كوپ جينالاتىن ورىنداردا 10 «بارشاعا مۇمكىندىك» مودۋلدىك پۋنكتىن ورناتۋ جانە ىسكە قوسۋ. وتكەن جىلدىڭ قىركۇيەك ايىنان باستاپ 7 مىڭنان استام ازامات وسى مودۋلدىك پۋنكتتەردە كەڭەس الدى. اتاپ ايتقاندا, 2,9 مىڭ ادام اكىمدىك باسقارمالارىنا مەملەكەتتىك قولداۋ شارالارىن الۋعا ءوتىنىم بەردى.
ەكىنشى كەزەڭ – قىسقا مەرزىمدى وقىتۋدىڭ ەكى باعدارلاماسىن ۇيىمداستىرۋ, جۇمىس ماماندىقتارى بويىنشا (باريستا, ساتۋشى-كاسسير, قوعامدىق تاماقتاندىرۋدىڭ امبەباپ قىزمەتكەرى, تىگىنشى, سانگەر-كونسترۋكتور, دانەكەرلەۋشى) جانە تسيفرلىق داعدىلار (تارگەت, SMM, بەينەمونتاج, ماركەتپلەيستەر, موبيلوگرافيا, گرافيكالىق ديزاين جانە ۆەب-ديزاين).
وقىتۋ بارلىق قاجەتتى زاتتارمەن جابدىقتالعان جەكەلەگەن وقۋ سىنىپتارىندا جۇرگىزىلەدى. وقىتۋشىلار - قولدانبالى تاجىريبەسى بار ماماندار.
وقىتۋ باعدارلامالارى ەڭبەك نارىعىنىڭ شىندىعىنا سۇيەنە وتىرىپ قۇراستىرىلعان جانە ماماندىققا بايلانىستى 2 اپتادان 1 ايعا دەيىن بارىنشا قىسقا مەرزىمدە پراكتيكالىق داعدىلاردى ۇسىنۋعا باعىتتالعان. قازىرگى ۋاقىتتا 1,2 مىڭ قالا تۇرعىنى ودان ءارى جۇمىسقا ورنالاسۋ ءۇشىن جۇمىس جانە تسيفرلىق ماماندىقتار بويىنشا پراكتيكالىق داعدىلارعا يە بولدى.
جەلتوقساننان باستاپ ءۇشىنشى كەزەڭدى ىسكە اسىرۋ باستالدى. اتاپ ايتقاندا, ازاماتتاردى جۇمىسقا ورنالاستىرۋ ءۇشىن جوبانىڭ سەرىكتەستەرىنە تىكەلەي جولداۋ. سونىمەن قاتار جەكە Telegram بوت جانە ارنا ىسكە قوسىلدى, ول ارقىلى قالا تۇرعىندارى قالانىڭ ءىرى جەلىلىك كاسىپورىندارىنا جۇمىسقا ورنالاسادى. اتاپ ايتقاندا, Telegram ارناسى قولدانۋدىڭ قاراپايىمدىلىعىنا بايلانىستى تانىمال.
ءوز كەزەگىندە, جۇمىس بەرۋشىلەر جوباعا قوسىلادى, ويتكەنى «JOLTAP» كادرلاردى دايارلاۋدا جانە مانساپتىق پەرسپەكتيۆالاردى ءتۇسىندىرۋ ارقىلى حالىقتى جۇمىسشى ماماندىقتارىنا تارتۋدا تيىمدىلىكتى كورسەتتى.
قازىرگى ۋاقىتتا جوبانىڭ ارقاسىندا 1,1 مىڭنان استام ازامات (52% - 35 جاسقا دەيىنگى جاستار) جۇمىسقا ورنالاستى. قالا تۇرعىندارى قىزمەت كورسەتۋ (34%), ساۋدا (32%), قوعامدىق تاماقتانۋ (16%), وزگە (تىگىن ءىسى, تسيفرلىق جانە ت.ب. - 18%) سياقتى سالالارعا جىبەرىلدى.
جالپى, «JOLTAP» جوباسى حالىقتى جۇمىسپەن قامتۋ شارالارىمەن قامتۋ بويىنشا كەشەندى شەشىم بولىپ سانالادى جانە كىرىستەردى ارتتىرۋ ءۇشىن پاكەتتىك شەشىم ۇسىنادى. قىسقا مەرزىمدى وقۋدان وتكەننەن كەيىن قالا تۇرعىندارى مانسابىن قالانىڭ ءىرى كاسىپورىندارىندا باستايدى. جوبانىڭ ەكوجۇيەسىنەن شىقپاي-اق, بىرقاتار تۇلەكتەر ءوز ءىسىن اشۋ ءۇشىن مەملەكەتتىك گرانتتار مەن شاعىن نەسيەلەر الدى, سونداي-اق ءوز بيزنەسىن ىلگەرىلەتۋ ءۇشىن قاجەتتى تسيفرلىق داعدىلاردى – كوفەحانالار, اتەلەلەر, ءۇي جانىنداعى دۇكەندەر جانە ت. ب. يگەردى.
جوبا تۋرالى مالىمەتتەردى «JOLTAP» جوباسىنىڭ Call-ورتالىعىنان الۋعا بولادى – +7 707 221 31 31.
