فوتو: Polisia.kz
پوليتسيا قىزمەتكەرلەرىنىڭ مالىمەتىنشە, 26 قاراشادا كەشكىلىك ۋاقىتتا قىزىلوردا وبلىسىنىڭ جالاعاش اۋدانىنا قاراستى اققۇم اۋىلى تۇسىندا «م-32» شىمكەنت-سامارا تاسجولى بويىندا كاماز اۆتوكولىگىنىڭ تاس تيەلگەن تىركەمەسى بوساپ كەتىپ, قارسى باعىتتا بارا جاتقان اۆتوبۋسقا سوقتىعىسقان.
اۆتوبۋس ىشىندەگى 4 جولاۋشى ءتۇرلى دەنە جاراقاتىن الىپ, اۋداندىق اۋرۋحاناعا جەتكىزىلگەن.
پوليتسيا حابارلاماسىندا: «وقيعا بويىنشا قر قك-ءنىڭ 345-بابى 2-بولىگىمەن قىلمىستىق ءىس تىركەلىپ, تەرگەپ-تەكسەرۋ ارەكەتتەرى جۇرگىزىلىپ جاتىر», دەلىنگەن.
