سۋرەتتى تۇسىرگەن – يگور بۋرگاندينوۆ
ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىندە ادەبيەتتانۋشى-پروفەسسور سەرىك نەگيموۆتىڭ «اباي عيبراتناماسى» كىتابىنىڭ تانىستىرىلىمى ءوتتى. ءىس-شاراعا مەملەكەت جانە قوعام قايراتكەرلەرى, قر پارلامەنتى سەناتىنىڭ دەپۋتاتتارى, عىلىمي قاۋىم وكىلدەرى, قالامگەرلەر مەن جاستار قاتىستى.
پروفەسسور سەرىك نەگيموۆ «اباي عيبراتناماسى» ەڭبەگىندە حاكىمنىڭ جان-جاقتى دانالىق بولمىسىن, دارا تۇجىرىمدارىن اشۋعا تىرىسقان. كىتاپ «مىنەز – ساۋىت», ء«سوز كەلىسى», «ار ويلا», «شىن اقىل» سىندى ءتورت تاراۋدان تۇرادى. جيناقتا اباي ەڭبەكتەرىندەگى ماڭىزدى تۇيىندەر عىلىمي, تانىمدىق تۇرعىدا جان-جاقتى سارالانىپ, وقىرمانعا تۇسىنىكتى, جاتىق تىلدە جەتكىزىلگەن.
«اباي عيبراتناماسى» كىتابى «سەنىمەن بولاشاق» قوعامدىق بىرلەستىگىنىڭ قولداۋىمەن جارىق كورگەن. بىرلەستىك قۇرىلتايشىسى نۇركەن اسانوۆ ءوز سوزىندە كىتاپتى ءار ءوڭىر وقىرماندارىنا جەتكىزۋ ءىسىن قولعا الاتىنىن ايتتى. اۆتور حاكىمنىڭ ۇلتتىق جانە جالپىادامزاتتىق يدەيالارعا باي قوردالى ويلارى عيبرات ءارى كەمەڭگەرلىك كەڭەس رەتىندە قابىلداناتىنىن جەتكىزدى.
«ابايدىڭ ءبىر ءسوزى سىپايلىققا, ءبىر ءسوزى ەڭبەكتەنۋگە, ءبىر ءسوزى ونەر, ءبىلىم, عىلىمعا, ءبىر ءسوزى ادىلەت, ارلىلىق, ماحابباتقا ۇندەيدى. اباي – كورەگەن كوشباسشى. اباي قۇدiرەتi دەگەنiمiز – ۇلت بولمىسىنىڭ قۇدiرەتi. سول سەبەپتi اباي پوەزياسىنىڭ تاڭعاجايىپ كوركەمدiك ناقىشتارى, سۇلۋلىق سىرلارى, ادەبي-ەستەتيكالىق دۇنيەتانۋ دارالىعى, وبرازدىق-سيمۆولدىق استار-قاباتتارى تەلەگەي. اباي شىعارماشىلىعى – زاماندار مەن داۋiرلەر بويى جاساعان حالىق تiلiنiڭ ايناسى, حالىقتىڭ ايدىن شالقار ومiرلiك تاجىريبەسi, اقىل-وي قازىناسى», دەدى سەرىك نەگيموۆ.
تۇساۋكەسەر راسىمدە ءسوز العان عالىمدار اۆتوردىڭ وتاندىق عىلىمدى دامىتۋعا قوسقان ۇلەسى جايلى ايتا كەلىپ, بۇل ەڭبەك ءبىلىم الۋشى ستۋدەنت, ماگيسترانت, دوكتورانتتار مەن گۋمانيتارلىق سالا ماماندارى ءۇشىن تاپتىرماس قۇرال ەكەنىن اتاپ ءوتتى.
«كىتاپتا اۆتوردىڭ ازاماتتىق كوزقاراستارى باسىم. ءار قازاق عالىمى عىلىمعا وسىلاي ۇلەس قوسۋى كەرەك. ەڭ باستىسى, ابايدىڭ شىعارمالارى بويىنشا جاڭا باعىتتاعى ىزدەنىستەر جۇرگىزىلگەن», دەدى اكادەميك ءۋاليحان قاليجان.
پارلامەنت سەناتىنىڭ دەپۋتاتى عالياسقار سارىباەۆ جيناق تۋرالى: «اباي شىعارماشىلىعىندا ونىڭ ماقساتكەرلiك تۇلعاسىنا ءتان تالiمگەرلiك, ونەگەلiك قىرلارى اسا مول. اۆتور ەڭبەگىندە سونىڭ ءبارىن cالماقتاپ-سارالاعان جانە ابايدىڭ ەل بiرلiگi, حالىق تاعدىرى, الەۋمەتتiك تۇرمىسى تۋراسىنداعى اسىل ويلارىن وربiتكەن», دەدى.
