فوتو: pixabay
وليمپيادالىق سپورت تۇرلەرى بويىنشا قازاقستاندىق سپورتشىلار 121 التىن, 111 كۇمىس, 141 قولا, بارلىعى 373 مەدالگە قول جەتكىزدى.
وليمپيادالىق ەمەس سپورت تۇرلەرىنەن ەل قورجىنىنا تۇسكەن 118 مەدالدىڭ 53-ءى التىن, 38-ءى كۇمىس, 27-ءسى قولا.
95 جۇلدەنى قازاقستاندىق پاراسپورتشىلار جەڭىپ العانىن ايتا كەتۋ كەرەك. پاراليمپيادالىق سپورت تۇرلەرى بويىنشا ءبىزدىڭ قۇراما قورجىنى 33 التىن, 33 كۇمىس جانە 27 قولا مەدالمەن تولىقتى.
ء«بىزدىڭ سپورتشىلار ەل اۋماعىندا جانە شەتەلدە وتەتىن حالىقارالىق جارىستاردا ەلىمىزدىڭ اتىنان لايىقتى ونەر كورسەتىپ كەلەدى. وسى رەتتە, بوكستان قۇراما كوماندانىڭ تاشكەنتتە وتكەن الەم چەمپيوناتىندا 4 التىن جانە 1 كۇمىس مەدال جەڭىپ الىپ, جالپىكوماندالىق 2-ءشى ورىنعا يە بولعانىن اتاپ وتكەن ءجون. سونداي-اق يتاليادا وتكەن الەم چەمپيوناتىندا سەمسەرلەسۋشى رۋسلان قۇربانوۆ قازاقستان تاريحىندا ءبىرىنشى بولىپ قولا مەدال يەلەندى. سونىمەن قاتار كاراتەدەن ازيا چەمپيوناتىندا جالپىكوماندالىق ەسەپتە ءبىرىنشى ورىن العانىمىزدى, مەرگەندەرىمىزدىڭ رەيتينگتىك الەم كۋبوگىنىڭ مەدالدىق ەسەبىندەگى ءبىرىنشى ورنىن ۇلكەن ماقتانىشپەن اتاپ وتۋگە بولادى», دەدى قر مسم سپورت جانە دەنە شىنىقتىرۋ ىستەرى كوميتەتىنىڭ توراعاسى ەربول مىرزابوسىنوۆ.
