«ىشكى نارىقتا ججم تاپشىلىعىن جويۋ ءۇشىن شىمكەنت ءموز وندىرىستىك قۋاتىن جىلىنا 6 ملن-نان 12 ملن تونناعا دەيىن ارتتىرۋ جوسپارلانىپ وتىر. زاۋىتتى شيكىزاتپەن قامتاماسىز ەتۋ ءۇشىن اتىراۋ – كەڭقياق جانە كەڭقياق – قۇمكول مۇناي قۇبىرلارىن كەڭەيتۋ جوبالارىن جۇزەگە اسىرۋ جوسپارلانۋدا», دەدى پرەمەر-مينيستر.
بۇل رەتتە ول بيىل جاڭاوزەن قالاسىندا قۋاتتىلىعى 900 ملن تەكشە مەتر بولاتىن جاڭا گاز وڭدەۋ زاۋىتىنىڭ قۇرىلىسى باستالاتىنىن مالىمدەدى. جالپى گاز سالاسىندا جىلىنا قوسىمشا 4 ملرد تەكشە مەترگە دەيىن گاز الۋعا مۇمكىندىك بەرەتىن زاڭنامالىق نورمالار قابىلداندى.
Cونداي-اق ۇكىمەت باسشىسى مۇناي-حيميا سالاسىندا قۋاتتىلىعى جىلىنا 319 مىڭ توننا بۋتاديەن جانە باسقا ىلەسپە تاۋارلاردى وندىرۋگە مۇمكىندىك بەرەتىن جوبا ىسكە اسىرىلىپ جاتقانىن ەسكە سالدى. بۇل رەتتە قازىرگى تاڭدا قۋاتتىلىعى جىلىنا 1,2 ملن توننا بولاتىن پوليەتيلەن ءوندىرۋ بويىنشا جوبالاۋ جۇمىستارى جۇرگىزىلۋدە. ينۆەستيتسيالاردىڭ جالپى كولەمى $8,7 ملرد-تى قۇرايدى.
