پرەمەر-مينيستر ءاليحان سمايلوۆتىڭ توراعالىعىمەن ەكونوميكانى دەمونوپوليزاتسيالاۋ جونىندەگى كوميسسيانىڭ كەزەكتى وتىرىسى ءوتتى. وعان ورتالىق مەملەكەتتىك ورگاندار, باس پروكۋراتۋرا, سىبايلاس جەمقورلىققا قارسى ءىس-قيمىل اگەنتتىگى, باسەكەلەستىكتى قورعاۋ جانە دامىتۋ اگەنتتىگى, قارجىلىق مونيتورينگ اگەنتتىگى جانە تاعى باسقا ۆەدومستۆو باسشىلارى قاتىستى.
قاتىسۋشىلارعا «استانا قالاسىنىڭ اقىلى اۆتوتۇراق كەڭىستىگىن قۇرۋ, پايدالانۋ جانە باسقارۋ» جوباسى تۋرالى اقپارات بەرىلدى. جوبانى جۇزەگە اسىرۋ ءۇشىن ەلوردا اكىمدىگى 2018 جىلى «استانا اۆتوتۇراق كەڭىستىگى» جشس كومپانياسىمەن ءمجا كەلىسىمشارتىنا وتىرعان.
تالقىلاۋ قورىتىندىسى بويىنشا ۋاكىلەتتى مەملەكەتتىك ورگاندارعا اتالعان كەلىسىمشارتتى رەسپۋبليكا زاڭناماسىنىڭ نورمالارىن ساقتاۋ, ونىڭ ىشىندە مونوپولياعا قارسى رەتتەۋ تۇرعىسىنان تالداۋ تاپسىرىلدى.
سونىمەن قاتار وتىرىستا ەنەرگەتيكا سالاسىنداعى جەكەلەگەن نىسانداردى مەملەكەت مەنشىگىنە قايتارۋ جانە قاتتى پايدالى قازبالاردى بارلاۋعا بىرقاتار ليتسەنزيا بەرۋدىڭ زاڭدىلىعى ماسەلەلەرى قارالدى.
