ماسەلەن, اقتوبە وبلىسىندا قىسقى ديزەل ءبىر جىلدا 27,9%-عا, اباي وبلىسىندا 24,6%-عا جانە شىعىس قازاقستان وبلىسىندا 24,4%-عا قىمباتتاعان.
بۇل رەتتە الماتى, جامبىل, جەتىسۋ وبلىستارى مەن شىمكەنت قالاسىندا باعالار وتكەن جىلدىڭ قازان ايى دەڭگەيىندە قالدى. تۇركىستان وبلىسىندا ديزەل 1,8%-عا ارزاندادى.
ەnergyprom ساراپشىلارى كەلتىرگەن دەرەكتەرگە قاراعاندا, 2022 جىلدىڭ قاڭتار-قازان ايلارىندا قازاقستاندا 4,6 ملن توننا ديزەل وتىنى ءوندىرىلدى, بۇل وتكەن جىلمەن سالىستىرعاندا 9,7%-عا ارتىق.
ديزەل وتىنىنىڭ يمپورتى 23,8 مىڭ توننانى, ال ەكسپورتى 60,5 مىڭ توننانى قۇرادى.
ايتا كەتسەك, 22 تامىزدا قازاقستاندا ديزەل وتىنىنا سارالانعان باعا بەلگىلەندى. سول كەزدە ەنەرگەتيكا مينيسترلىگىنىڭ مۇناي ونىمدەرىن بولشەك ساۋدادا وتكىزۋگە ارنالعان شەكتى باعالار تۋرالى بۇيرىعى كۇشىنە ەنگەن ەدى.
