وبلىستىق پوليتسيا دەپارتامەنتى ءباسپاسوز قىزمەتىنىڭ مالىمەتىنشە, وقيعا بۇگىن بولعان. ساعات 6:30 شاماسىندا «اتىراۋ-اقتوبە» تاسجولىنىڭ 400-شاقىرىمىنداعى جانتەرەك ەلدى مەكەنىنىڭ تۇسىندا RAVON R4 جۇرگىزۋشىسى 24 باس قويدى قاعىپ كەتكەن.
باقتاشى مالدى جولدىڭ بەلگىلەنبەگەن جەرىنەن ورىسكە ايداپ وتپەك بولعان. سونىڭ سالدارىنان 1 ملن 200 مىڭ تەڭگەنىڭ ماتەريالدىق شىعىنى كەلگەن.
«جەكە تۇلعالاردىڭ مۇلكىنە زالال كەلتىرگەنى ءۇشىن قوي باعۋعا شىققان ادامعا قۇقىق بۇزۋشى رەتىندە قر اكىمشىلىك قۇقىقبۇزۋشىلىق تۋرالى كودەكسىنىڭ 408-بابىنىڭ 2-بولىگىمەن اكىمشىلىك حاتتاما تولتىرىلدى», دەلىنگەن پوليتسيا حابارلاماسىندا.
