ۇلتتىق ستاتيستيكا بيۋروسىنىڭ باعا ستاتيستيكاسى دەپارتامەنتىنىڭ ديرەكتورى قۋانىشبەك جاقىپبەك ۇلىنىڭ ايتۋىنشا, وڭىرلىك بولىنىستە جاڭا تۇرعىن ءۇيدىڭ شارشى مەترى جىلدىق ماندە ايتارلىقتاي نۇر-سۇلتان قالاسىندا قىمباتتادى – 27,2%-عا.
«تۇرعىن ءۇيدىڭ قايتا ساتۋ نارىعىنداعى جوعارى ءوسىم تالدىقورعان قالاسى (48,6%), تۇرعىن ءۇيدى جالعا بەرۋ نارىعىنداعى كوشتى الماتى قالاسى باستاپ تۇر (49,9%)», دەپ اتاپ ءوتتى ق.جاقىپبەك ۇلى.
كەيىنگى ءبىر ايدىڭ ىشىندە (2022 جىلعى مامىردان 2022 جىلعى ساۋىرگە) جاڭا تۇرعىن ءۇيدى ساتۋ باعالارى – 1,7%, پاتەرلەردى قايتا ساتۋ 1% ءوستى. اباتتاندىرىلعان تۇرعىن ءۇيدى جالعا الۋ تولەمى الدىڭعى ايمەن سالىستىرعاندا مامىردا 1,3% جوعارىلادى.
«ۇلتتىق ستاتيستيكا بيۋروسى تۇرعىن ءۇي باعاسى بويىنشا اي سايىن مونيتورينگ جۇرگىزەدى. باعا يندەكستەرى وبلىس ورتالىقتارى مەن نۇر-سۇلتان, الماتى, شىمكەنت, سەمەي قالالارى بويىنشا ىرىكتەپ بايقاۋ دەرەكتەرى نەگىزىندە قالىپتاستىرىلادى. جاڭا تۇرعىن ۇيلەر بويىنشا اقپاراتتى ءبىز ساتۋ بويىنشا وپەراتسيالار جۇرگىزەتىن قۇرىلىس كومپانيالارىنان جينايمىز. بۇل رەتتە پاتەردىڭ باستاپقى جانە تازا ارلەنگەندەگى باعاسى ەسكەرىلەدى. پاتەرلەردى قايتا ساتۋ جانە جالعا الۋ بويىنشا دەرەكتەر ينتەرنەتتە, بۇقارالىق اقپارات قۇرالدارىندا ورنالاستىرىلاتىن حابارلاندىرۋلار نەگىزىندە جينالادى. باعالاردى ەسەپتەۋ كەزىندە ءبىر, ەكى, ءۇش بولمەلى پاتەرلەر بويىنشا ۇسىنىستار ەسەپكە الىنادى», دەيدى ۇلتتىق ستاتيستيكا بيۋروسىنىڭ باعا ستاتيستيكاسى دەپارتامەنتىنىڭ ديرەكتورى قۋانىشبەك جاقىپبەك ۇلى.
تۇرعىن ءۇي نارىعىنداعى باعانىڭ وزگەرۋى
پايىزبەن, وتكەن جىلعا, ءوسۋى
