اسىلبەك ومىربەك ۇلى 1978 جىلى جالاعاش اۋدانىندا دۇنيەگە كەلگەن. اباي اتىنداعى الماتى مەملەكەتتىك ۋنيۆەرسيتەتىن «حالىقارالىق تۋريزم», قورقىت اتا اتىنداعى قىزىلوردا مەملەكەتتىك ۋنيۆەرسيتەتىن «مۇناي-گاز كەن ورىندارىن يگەرۋ» جانە «قۇرىلىس» ماماندىقتارى بويىنشا بىتىرگەن.
ەڭبەك جولىن 1999 جىلى «قىزىلوردا ينتەگراتسيا» كومپانياسىنىڭ مەنەدجەرى رەتىندە باستاعان.
2007-2012 جىلدارى وبلىستىق مەملەكەتتىك ساۋلەت-قۇرىلىس باقىلاۋ جانە ەنەرگەتيكا جانە تۇرعىن ءۇي-كوممۋنالدىق شارۋاشىلىق باسقارمالارىندا جاۋاپتى قىزمەتتەر اتقارعان.
2012-2018 جىلدارى قىزىلوردا وبلىسىنىڭ ەنەرگەتيكا جانە تۇرعىن ءۇي-كوممۋنالدىق شارۋاشىلىق باسقارماسى باسشىسىنىڭ ورىنباسارى, قىزىلوردا قالاسى اكىمىنىڭ ورىنباسارى,
2018 جىلدىڭ مامىر ايىنان باستاپ وسى كەزگە دەيىن قىزىلوردا وبلىسىنىڭ جۇمىلدىرۋ دايىندىعى باسقارماسىنىڭ باسشىسى لاۋازىمىن اتقارىپ كەلدى.
2020 جىلدىڭ ناۋرىز ايىنان جالاعاش اۋدانى اكىمى قىزمەتىندە بولدى.
بۇعان دەيىن قالا اكىمى قىزمەتىن اتقارعان عانيبەك قازانتاەۆتىڭ ءوز وتىنىشىنە سايكەس قىزىلوردا قالاسىنىڭ اكىمى لاۋازىمىنان بوساتىلدى.
ايانا توعانبەك
