Kaspi بانكپەن ىنتىماقتاستىق شەڭبەرىندە سالىق مىندەتتەمەلەرىن ۋاقتىلى ورىنداۋ بويىنشا قولايلى جاعدايلار جاساۋ ماقساتىندا سالىق تولەۋشىلەر بولىپ تابىلاتىن بانك كليەنتتەرىنە (جەكە تۇلعالارعا, دارا كاسىپكەرلەرگە, جەكە پراكتيكامەن اينالىساتىن ازاماتتارعا) PUSH-حابارلامالارعا بەلگىلەنگەن مەرزىمدە سالىق ەسەپتىلىگىن تابىس ەتۋ قاجەتتىگى تۋرالى جولداۋ بويىنشا سەرۆيس ىسكە قوسىلدى. وسى باعىتتاعى جۇمىس باسقا ەكىنشى دەڭگەيدەگى بانكتەرمەن دە جۇرگىزىلۋدە.
«سالىق كودەكسى نورمالارىنا سايكەس مەملەكەتتىك كىرىستەر ورگاندارى بەلگىلەنگەن مەرزىمدەردە سالىق مىندەتتەمەلەرىنىڭ ورىندالۋى بويىنشا سالىقتىق باقىلاۋ جۇرگىزەدى. وسىنداي باقىلاۋ اياسىندا سالىق تولەۋشىگە (سالىق اگەنتىنە) ءتيىستى حابارلاما, ونىڭ ىشىندە زاڭدا بەلگىلەنگەن مەرزىمدە سالىق ەسەپتىلىگىنىڭ تابىس ەتىلمەگەنى تۋرالى حابارلاما جىبەرىلەدى», دەپ ءتۇسىندىردى مەملەكەتتىك كىرىستەر كوميتەتىندە.
حابارلاما بەلگىلەنگەن مەرزىمدە ورىندالماعان جاعدايدا, مەملەكەتتىك كىرىستەر ورگاندارى سالىق تولەۋشىلەرگە (سالىق اگەنتتەرىنە) قاتىستى مەرزىمىندە ورىندالماعان سالىق مىندەتتەمەسىنىڭ ورىندالۋىن قامتاماسىز ەتۋدىڭ زاڭدى تاسىلدەرىن قولدانادى:
- بانك شوتتارى بويىنشا شىعىس وپەراتسيالارىن توقتاتا تۇرۋ;
- اكىمشىلىك قۇقىق بۇزۋشىلىق تۋرالى كودەكستىڭ 272-بابى بويىنشا اكىمشىلىك جاۋاپتىلىققا تارتۋ.
كورسەتىلگەن جاعدايلارىن ازايتۋ جانە بولدىرماۋ ماقساتىندا سالىق تولەۋشىلەرگە push-حابارلامالار سالىقتىق ەسەپتىلىكتى جاساۋ جانە تابىس ەتۋ بويىنشا سالىقتىق مىندەتتەمەلەردى ورىنداۋ مەرزىمى باستالعانعا دەيىن جانە اياقتالعاننان كەيىن جىبەرىلەتىن بولادى.
سونداي-اق مكك-دە 2022 جىلعى 31 ناۋرىزدا 2021 جىلعا جىلدىق سالىق ەسەپتىلىگىن, 2022 جىلعى 15 مامىردا 2022 جىلعى 1 توقسانعا توقساندىق ەسەپتىلىكتى تابىس ەتۋ مەرزىمدەرى اياقتالاتىنىن ەسكە سالدى.
«وسىعان بايلانىستى, سوڭعى كۇندەرى جاپپاي ەسەپتىلىك تاپسىرۋدىڭ ناتيجەسىندە تۋىندايتىن جۇكتەمەلەردى بولدىرماۋ ءۇشىن سالىقتىق ەسەپتىلىكتى الدىن الا تابىس ەتۋدى ۇسىنامىز نەمەسە سالىق كودەكسىنىڭ 212-بابىنا سايكەس ەلەكتروندى نىساندا ەسەپتىلىك ۇسىنىلعان جاعدايدا, تابىس ەتۋ مەرزىمدەرىن ۇزارتۋ ءۇشىن مەحانيزم ستاندارتتارىن الدىن الا پايدالانۋدى قوسىمشا ەسكە سالامىز», دەپ ەسكەرتتى مكك-دە.
سالىقتىق ەسەپتىلىگىن تولتىرۋ جانە تابىس ەتۋ بويىنشا سۇراقتار تۋىنداعان جاعدايدا تەحنيكالىق پايدالانۋشىلاردى قولداۋ قىزمەتى ستك/سەوج sonosd@kgd.minfin.gov.kz جۇمىس ىستەيدى.
