قاسىم - جومارت توقاەۆ حالقىن جۇدىرىقتاي جۇمىلدىرۋعا كۇش سالىپ وتىر. ول قازاقستاندىقتار سوڭعى 30 جىل ىشىندە ماقتان تۇتقان تاۋەلسىزدىكتى, بەيبىتشىلىكتى, تۇراقتىلىق پەن كەلىسىمدى قامتاماسىز ەتۋ ءۇشىن رەفورمالاردىڭ قاجەتتىلىگىن تۇسىنەدى. ول باستاعان ساياسي رەفورمالار وسىنىڭ ءبارىن ساقتاۋعا كومەكتەسەدى.
ءبىزدى اتالمىش ەلدەگى قاسىرەتتى قاڭتار وقيعاسى مازالاعانى راس. سوندىقتان ەل رەتىندە العا باسۋ ءۇشىن پرەزيدەنت توقاەۆ ءوز سوزىندە اقپاراتتى شىنايى, اشىق جانە تولىق ەسەپكە الۋ كەرەكتىگىن ايتتى. سونداي-اق قىلمىستى اشۋدى قامتاماسىز ەتۋ بويىنشا بەلگىلەگەن قادامدارى زاڭ ۇستەمدىگىن جانە ەلدەگى ادام قۇقىقتارىن ودان ءارى نىعايتۋعا ىقپال ەتەدى, حالىقتىڭ سەنىمىنە يە بولادى.
وڭىرلىك جانە جەرگىلىكتى بيلىك ورگاندارى اراسىنداعى وكىلەتتىكتەردىڭ, جاۋاپكەرشىلىكتىڭ جانە فيسكالدىق اشىقتىقتىڭ ودان ءارى ارا جىگىن اجىراتۋ كەز كەلگەن قازىرگى زامانعى ەل ءۇشىن العا باستايتىن ماڭىزدى قادام ەكەنى داۋسىز. قۋاتتى وڭىرلەر مەن جەرگىلىكتى بيلىك ورگاندارى مىقتى جانە ۇيىمشىل قوعامداستىقتار قۇرادى. قازاقستانداعى رەفورمالاردىڭ جاڭا پاكەتى ناق وسى باعىتقا باعىتتالعان.
دانيەل ۆيتت, اقش-تاعى حالىقارالىق سالىق جانە ينۆەستيتسيالىق ورتالىعىنىڭ پرەزيدەنتى.
