كەزدەسۋ 2021 جىلعى 11 قاراشادا تۇركىتىلدەس مەملەكەتتەردىڭ ىنتىماقتاستىق كەڭەسىنىڭ سىرتقى ىستەر مينيسترلەرى كەڭەسىندە قابىلدانعان اقساقالدار كەڭەسىنىڭ جاڭا ەرەجەلەرىنە سايكەس العاش رەت وتكىزىلىپ وتىر.
ي. ادىربەكوۆ 2022 جىلعى قاڭتار ايىنىڭ باسىندا ەلىمىزدە ورىن العان قايعىلى وقيعالارعا قاتىستى تمۇ اقساقالدار كەڭەسىنىڭ بىلدىرگەن كوڭىلى مەن باۋىرلاس تۇركى مەملەكەتتەرىنىڭ پرەزيدەنت قاسىم-جومارت توقاەۆتىڭ ەلدەگى تۇراقتىلىقتى جانە كونستيتۋتسيالىق ءتارتىپتى بۇزۋعا ۇمتىلعان ەكسترەميستتىك, قىلمىستىق جانە تەررورشىل توپتارعا قارسى شەشىمدەرى مەن ىس-ارەكەتتەرىن قولداعاندارى ءۇشىن ريزاشىلىعىن ءبىلدىردى.
قازاقستان وكىلى تۇركى كەڭەسىنىڭ 8-ءشى سامميتىندە قابىلدانعان «تۇركى الەمىنىڭ كەلەشەگى – 2040» تۇجىرىمدامالىق قۇجاتى مەن تۇركى مەملەكەتتەرى ۇيىمى اتاۋىنا بايلانىستى شەشىمدەردىڭ ماڭىزدىلىعىن اتاپ ءوتىپ, تۇرىكمەنستاننىڭ ۇيىمعا باقىلاۋشى مارتەبەسىن الۋى دا تۇركى مەملەكەتتەرىنىڭ ىنتىماقتاستىعىن نىعايتۋ جولىنداعى ماڭىزدى قادامدار ەكەنىنە توقتالدى.
ي. ادىربەكوۆ پرەزيدەنت ق. توقاەۆتىڭ 2021 جىلعى 12 قاراشادا ىستانبۇلدا وتكەن ءسامميتتىڭ شەشىمىنە سايكەس قۇرىلۋى جوسپارلانىپ وتىرعان تۇركى ينۆەستيتسيالىق قورىنىڭ شتاب-پاتەرىن «استانا» حالىقارالىق قارجى ورتالىعىنىڭ (احقو) الاڭىندا ورنالاستىرۋ تۋرالى ۇسىنىسىن قولداۋعا شاقىردى. ونىڭ ايتۋىنشا, احقو الاڭى – بۇل حالىقارالىق دەڭگەيدەگى قارجى ينستيتۋتتارىنىڭ ۇزدىك تاجىريبەسىن, بىرەگەي تەحنيكالىق ساراپتاماسىن, ينفراقۇرىلىمى مەن قىزمەت تاجىريبەسىن بىرىكتىرەتىن جاڭا قارجىلىق ەكوجۇيەگە ناقتى نەگىز بولا الادى.
قازاقستان وكىلى اقساقالدار كەڭەسىنىڭ مۇشەلەرىن ساۋدا مەن ينۆەستيتسيا ءۇشىن قولايلى جاعدايلار جاساۋعا, تاۋارلاردىڭ, كاپيتالداردىڭ, قىزمەتتەر مەن تەحنولوگيالاردىڭ ەركىن قوزعالىسى ءۇشىن كەدەندىك جانە ترانزيتتىك راسىمدەردى, قارجىلىق جانە بانكتىك وپەراتسيالاردى وڭايلاتۋعا مۇمكىندىك بەرەتىن قازاقستاننىڭ تاعى ءبىر ماڭىزدى باستاماسى تۇركىستان قالاسىندا «TURAN» ارنايى ەكونوميكالىق ايماعىن قۇرۋ تۋرالى ۇسىنىسىمەن تانىستىرىپ, تاراپتاردى اتالعان جۇمىسقا بەلسەندى قاتىسۋعا شاقىردى.
وتىرىس جۇمىسى شەڭبەرىندە اقساقالدار تمۇ سىرتقى ىستەر مينيسترلەرى كەڭەسى مەن مەملەكەت باسشىلارى كەڭەسىنىڭ وتىرىستارىنا تمۇ جۇيەسى مەن قىزمەتىن كەمەلدەندىرۋ بويىنشا باسقا دا ۇسىنىستارىن ءتيىستى حاتتامامەن بەكىتتى.
وتىرىس قورىتىندىسىمەن تمۇ اقساقالدارى تۇركيا پرەزيدەنتى رەدجەپ تايىپ ەردوعانمەن كەزدەسۋ وتكىزىپ, كەڭەس وتىرىسىن جوعارى دەڭگەيدە ۇيىمداستىرۋداعى ۇلەسى ءۇشىن تۇرىك تاراپىنا العىستارىن ءبىلدىردى.
اقساقالدار كەڭەسىنىڭ كەزەكتى وتىرىسىن 2022 جىلدىڭ شىلدە ايىندا قىرعىزستاندا وتكىزۋ جوسپارلانۋدا.
