قاۋلىدا شىمكەنت قالاسىنداعى كارانتين رەجيمى جانە كوروناۆيرۋس ينفەكتسياسىمەن بايلانىستى شەكتەۋ شارالارى ەپيدەميولوگيالىق جاعداي تۇراقتالعانعا دەيىن ۇزاراتىنى ايتىلعان. ياعني قالا تۇرعىندارى مەن قوناقتارىنا:
- Ashyq جوباسىنا قاتىساتىن نىسانداردا قىزمەتكەرلەر مەن كەلۋشىلەردە «جاسىل» مارتەبەسى بولعان جاعدايدا ادامداردىڭ جاپپاي جينالۋىمەن بايلانىستى تۋعان كۇن, مەرەيتوي, «قۇدالىق», توي, «بەتاشار», مەرەكەلىك كورپوراتيۆ سياقتى شارالاردى وتكىزۋگە تىيىم سالىنادى;
- 65 جاستان اسقان ادامداردىڭ قالا بويىنشا ءجۇرىپ-تۇرۋى شەكتەلەدى;
- قوعامدىق ورىندارعا (ونىڭ ىشىندە قالالىق قوعامدىق كولىكتە جول ءجۇرۋ كەزىندە) جانە قىزمەتىنە رۇقسات ەتىلگەن وبەكتىلەرگە بارعان كەزدە, سونداي-اق اشىق اۋاداعى قوعامدىق ورىنداردا بولعان كەزدە بەتپەردە كيۋ, الەۋمەتتىك ارا قاشىقتىقتى ساقتاۋ جونىندەگى تالاپتاردى قاتاڭ ساقتاۋ قاجەت.
قۇجاتتا Ashyq جوباسىنا قاتىساتىن بيزنەس نىساندارىنا جۇمىس جانە دەمالىس كۇندەرى ساعات 03.00-گە دەيىن, Ashyq جوباسىنىڭ كوشباسشىلارىنا ساعات 05.00-گە دەيىن جۇمىس ىستەۋگە رۇقسات ەتىلەەتىنى ايتىلعان.
سونداي-اق, دەمالىس كۇندەرى قىزمەتكەرلەر مەن كەلۋشىلەرىندە «جاسىل» مارتەبە بولعان جاعدايدا نىسانداردىڭ جۇمىسىنا رۇقسات ەتىلىپ وتىر.
