جارىستى ىرىكتەۋ سايىستارىنان باستاعان ز.دياس العاشقى اينالىمدا دۇنيەجۇزىلىك رەيتينگتە 121-ساتىدا تۇرعان جاپونيالىق ناو حيبينومەن كەزدەستى. بۇعان دەيىن قارسىلاستاردىڭ ءوزارا ءتورت مارتە جولدارى توقايلاسىپ, سونىڭ ۇشەۋىندە جاپونيالىق تەننيسشى جەڭىسكە جەتكەن ەدى. بۇل جولى 1 ساعات 14 مينۋتقا سوزىلعان ماتچتا ز.دياس 6:3, 6:3 ەسەبىمەن باسىم ءتۇستى. باسەكە بارىسىندا قازاقستاندىق سپورتشى 2 ەيس جاساپ, 14 برەيك-پوينتتىڭ بەسەۋىن پايدالاندى. قارسىلاسى 1 ەيس, 2 برەيكپەن (4 برەيك-پوينت) شەكتەلدى. ز.دياس ەكىنشى اينالىمدا الەمنىڭ بەسىنشى, دودانىڭ 3-راكەتكاسى, چەحيالىق باربورا كرەيچيكوۆامەن وينايدى.
