اقپاراتتى جوعارعى سوت راستادى. الدىن الا مالىمەت بويىنشا, سۋديا مۇددەلى تاراپتىڭ پايداسىنا باس بوستاندىعىنان ايىرۋمەن بايلانىستى ەمەس ۇكىم شىعارۋ ءۇشىن 40 ميلليون تەڭگە كولەمىندە پارا الدى دەگەن كۇدىككە ىلىنگەن.
جوعارعى سوتتىڭ ءباسپاسوز قىزمەتىنىڭ حابارلاۋىنشا, كۇدىكتى ۇلتتىق قاۋىپسىزدىك كوميتەتى شىعىس قازاقستان وبلىسى بويىنشا دەپارتامەنتى مەن سوت اكىمشىلىگىنىڭ ىشكى قاۋىپسىزدىك ءبولىمىنىڭ بىرلەسكەن وپەراتسياسى بارىسىندا اسا ءىرى كولەمدە پارا الۋ كەزىندە ۇستالعان.
«مۇددەلى تاراپتىڭ پايداسىنا وڭ شەشىم قابىلداعانى ءۇشىن اسا ءىرى كولەمدە پارا الۋ فاكتىسى بويىنشا شىعىس قازاقستان وبلىستىق سوتىنىڭ قىلمىستىق ىستەر جونىندەگى سوت القاسىنىڭ توراعاسى ۇستالدى», دەلىنگەن حابارلامادا.
شىمكەنتتە كاسىپكەردەن 25 ملن تەڭگە العان جالعان تەكسەرۋشى ۇستالدى
وقيعانىڭ بارلىق ءمان-جايى انىقتالادى. قازىر تەرگەۋ امالدارى ءجۇرىپ جاتىر.
