فوتو: اشىق دەرەككوز
پروكۋراتۋرانىڭ مالىمەتىنشە, الماتىدا جۇرگىزىلگەن ستاتسيونارلىق كەشەندى سوت-پسيحولوگيالىق-پسيحياتريالىق ساراپتاما قورىتىندىسى بويىنشا ماماندار وعان ديناميكالىق باقىلاۋ مەن قوسىمشا دياگنوستيكا قاجەت ەكەنىن كورسەتكەن.
«ساراپتاما قورىتىندىسىنا سايكەس, اقبايان مۇقانعاليەۆاعا ديناميكالىق باقىلاۋ جانە ديففەرەنتسيالدى دياگنوستيكا جۇرگىزۋ قاجەت», دەپ حابارلادى اتىراۋ وبلىسىنىڭ پروكۋراتۋراسى.
اتىراۋ وبلىسىنداعى اتىشۋلى قىلمىسقا قاتىستى كىنالى دەپ تابىلعان سۇلتان سارسەماليەۆتىڭ بۇرىنعى جۇبايى اقبايان مۇقانعاليەۆا بۇعان دەيىن قىلمىسقا قاتىستى كۇدىكتى رەتىندە تانىلعان بولاتىن. الايدا ونىڭ قايعىلى وقيعاعا تىكەلەي قاتىسى بولماۋىنا بايلانىستى ءىسى ءبولىنىپ الىنىپ, «قىلمىس تۋرالى حابارلاماۋ» بابى بويىنشا قارالىپ جاتىر.
پروكۋراتۋرا وكىلدەرى تەرگەۋ جالعاسىپ جاتقانىن جانە بارلىق ءمان-جايلار جان-جاقتى زەرتتەلىپ جاتقانىن اتاپ ءوتتى.
ايتا كەتەيىك, بۇعان دەيىنگى سوت وتىرىسىندا ايىپتالۋشىنىڭ اكەسى ساميعۋللا سارسەماليەۆ كۋالىك بەرگەن بولاتىن.
