ەلىمىزدىڭ تۇكپىر-تۇكپىرىنەن كەلگەن ارۋلار شىعارماشىلىق قابىلەتىن, ساحنا مادەنيەتىن جانە ۇلتتىق ونەرگە دەگەن قىزىعۋشىلىعىن كورسەتتى. بايقاۋدىڭ قۇرمەتتى قوناقتارى مەن قازىلار القاسىنىڭ قۇرامىندا قازاقستاننىڭ ەڭبەك سىڭىرگەن قايراتكەرلەرى قانات ايتباەۆ پەن سۆەتا ايتباەۆا, تەلەجۇرگىزۋشى دينارا ءساتجان, اقىن قالقامان سارين, قازاقستاننىڭ ەڭبەك سىڭىرگەن قايراتكەرى سەرجان مۇسايىن, كاسىپكەر مەرۋەرت ىبىشەۆا بولدى.
قازاقستاننىڭ ەڭبەك ەرى, حالىق ءارتىسى قايرات بايبوسىنوۆ, قازاقستاننىڭ حالىق ءارتىسى مەرۋەرت وتەكەشەۆا, پارلامەنت ءماجىلىسىنىڭ دەپۋتاتتارى امانجول ءالتاي, قازىبەك الىشەۆ, باسقا دا قۇرمەتتى قوناقتار قاتىستى.
تاعىلىمى مول شارادا حالىقتىڭ ىستىق سۇيىسپەنشىلىگىنە بولەنگەن حالىق ءارتىسى مەرۋەرت وتەكەشوۆانى جاڭاارقا جۇرتشىلىعى ايرىقشا قۇرمەتپەن قارسى الدى. ۇلتتىق ءداستۇردى ۇستانعان ارقا جۇرتشىلعى ارداقتى ونەر يەسىنە اق بوز ات مىنگىزىپ, سىي-قۇرمەت كورسەتتى. بۇل كورىنىس كوپشىلىكتىڭ كوڭىلىنەن شىعىپ, بايقاۋدىڭ مازمۇنىن تەرەڭدەتە تۇسكەن اسەرلى ءساتتىڭ بىرىنە اينالدى.
بايقاۋ قورىتىندىسى بويىنشا باس جۇلدەنى استانا قالاسىنىڭ ارۋى تولعاناي ناۋرىزباي جەڭىپ الىپ,
1 500 000 تەڭگەنىڭ سەرتيفيكاتى تابىس ەتىلدى. ءى ورىندى قىزىلوردا وبلىسىنىڭ ارۋى باعدات باقىت (1000 000 تەڭگە), ءىى ورىندى اتىراۋ وبلىسىنىڭ ارۋى ينديرا مۇقتار (500 000 تەڭگە), ال ءىىى ورىندى اقمولا وبلىسىنىڭ ارۋى ايعانىم شاقمۇراي (35 0000 تەڭگە) يەلەندى. سونىمەن قاتار «كورەرمەن كوزايىمى» اتالىمى مەن بارلىق قاتىسۋشىلارعا ىنتالاندىرۋ سىيلىعى تارتۋ ەتىلدى.
بايقاۋدىڭ جوعارى دەڭگەيدە وتۋىنە قولداۋ ءبىلدىرىپ, جەڭىمپازدار مەن قاتىسۋشىلاردى ماراپاتتاۋ قورىن قالىپتاستىرۋعا ۇلەس قوسقان ازاماتتارعا ۇيىمداستىرۋشىلار ەرەكشە العىس ءبىلدىردى.
ۇلتتىق قۇندىلىقتى ۇلىقتاپ, قازاق قىزىنىڭ پاراساتى مەن كوركەم بولمىسىن دارىپتەگەن تاعىلىمدى جوبانىڭ اۆتورى ءارى پروديۋسەرى ءلاززات نۇرلانقىزى.
ۇلىتاۋ وبلىسى
