ۇكىمەت وتىرىسىندا ينفراقۇرىلىممەن قامتاماسىز ەتىلگەن سۋبايماقتىڭ تولتىرىلۋىنا بايلانىستى №2 جانە №4 سۋبايماقتىڭ قۇرىلىسى ۇسىنىلاتىنى اتاپ ءوتىلدى.
قازىرگى ۋاقىتتا «اقتاۋ تەڭىز پورتى» اەا جەكە ورنالاسقان 9 سۋبزونادان تۇرادى, ونىڭ ىشىندە 5 سۋبزونا ينفراقۇرىلىممەن قامتاماسىز ەتىلگەن.
«بۇل ماقساتتارعا كەشەندى جوسپارعا سايكەس, 2023-2025 جىلدار ارالىعىنداعى قۇرىلىس مەرزىمدەرىمەن 9,6 ملرد تەڭگە كولەمىندە شىعىندار قولداۋ تابۋدا», دەدى بەيبىت اتامقۇلوۆ.
ۆەدومستۆونىڭ مالىمەتىنشە, اتالعان سۋبايماقتار جالپى ينۆەستيتسيا كولەمى 327 ملرد تەڭگە جانە 1200 جۇمىس ورنىن قۇرۋمەن اەا قاتىسۋشىلارىنىڭ جوبالارى ەسەبىنەن يگەرىلەتىن بولادى.
«جوبالاردى ىسكە اسىرۋ ءوڭىر ەكونوميكاسىن ءارتاراپتاندىرۋ, قوسىمشا جۇمىس ورىندارىن قۇرۋ, بيۋدجەتكە تۇسەتىن تۇسىمدەردى ۇلعايتۋ ارقىلى مۋلتيپليكاتيۆتى اسەر ەتەدى», - دەپ تولىقتىردى مينيستر.
