شقو پوليتسيا دەپارتامەنتى ءباسپاسوز قىزمەتىنىڭ مالىمەتىنە سۇيەنسەك, ءتارتىپ ساقشىلارى ءوڭىر اۋماعىندا «ۋچاسكە» جەدەل الدىن الۋ شاراسىن جۇرگىزىپ جاتىر. سونىڭ ناتيجەسىندە, 29 زاڭسىز يمميگرانت انىقتالعان.
«كوشى-قون قىزمەتىنىڭ وكىلدەرى اقتوعاي كەنتىندە ۋاكىلەتتى ورگاننىڭ رۇقساتىنسىز جەل ستانتسياسىنىڭ قۇرىلىس جۇمىستارىمەن اينالىسقان تاجىكستان رەسپۋبليكاسىنىڭ 29 ازاماتىن انىقتادى. قازىرگى ۋاقىتتا شەتەلدىكتەرگە قاتىستى قر اقبتك-ءنىڭ 517-بابى 5 -بولىگىنە سايكەس اكىمشىلىك حاتتاما تولتىرىلدى. ءتيىستى ماتەريالدار جازا تاعايىنداۋ ءۇشىن سوتقا جىبەرىلدى», دەيدى وبلىستىق پد كوشى-قون قىزمەتى باسقارماسىنىڭ باسشىسى ەربول بەكپاەۆ.
ايتا كەتەيىك, جىل باسىنان بەرى شىعىس قازاقستاندا كوشى-قون زاڭناماسىن بۇزعانى ءۇشىن 300-دەن استام ادام اكىمشىلىك جاۋاپقا تارتىلعان.
