«پوليتسەيلەر اتىس قارۋىن زاڭسىز ساقتاعان كۇدىكتىنى ءتىنتىپ شىقتى. ناتيجەسىندە, 56 جاستاعى ەر ادامنىڭ تۇرعىلىقتى جەرى مەن ومارتاسىنان 100-دەن استام وق-ءدارى مەن 6 ءتۇرلى قارۋ تاركىلەندى. ولاردىڭ ىشىندە: 5,6 مم كاليبرلى پاتروندارمەن اتۋعا ارنالعان قولدان جاسالعان تاپانشا, 5,6 مم كاليبرلى قولدان جاسالعان ويىق مىلتىق, 28 جانە 12 مم كاليبرلى توز-34 ماركالى ەكى تىركەلمەگەن مىلتىق, سونداي-اق قارۋدىڭ ءارتۇرلى قۇرامداس بولىكتەرى بار», دەپ حابارلادى شقو پد ءباسپاسوز قىزمەتى.
ۇستالعان ازاماتتىڭ ايتۋىنشا, ول تاركىلەنگەن قارۋدىڭ ءبىر بولىگىن ءوز ۇيىندە قولدان جاساعان.
«كۇدىكتى سوتتىڭ سانكتسياسىمەن قاماۋعا الىندى. ونىڭ ارەكەتتەرى قر قك-ءنىڭ 287-بابى «قارۋدى, وق-دارىلەردى, جارىلعىش زاتتار مەن جارىلعىش قۇرىلعىلاردى زاڭسىز ساتىپ الۋ, بەرۋ, وتكىزۋ, ساقتاۋ, تاسىمالداۋ نەمەسە الىپ ءجۇرۋ» جانە قر قك-ءنىڭ 288-بابى «قارۋدى زاڭسىز جاساۋ» بويىنشا 5 جىلعا دەيىن باس بوستاندىعىنان ايىرۋ جازاسى كوزدەلگەن», دەپ اتاپ ءوتتى شقو پد باستىعىنىڭ ورىنباسارى تالعات شاياحمەتوۆ.
