الەم • 11 قىركۇيەك، 2021

رەسەيدىڭ ەلەتس قالاسىندا تۇرعىن ۇيدە گاز جارىلىپ، ادامدار قازا تاپتى

67 رەت كورسەتىلدى

رەسەي فەدەراتسياسىنىڭ ليپەتسكي وبلىسى ەلەتس قالاسىندا تۇرعىن ۇيدە گاز جارىلىپ، ادامدار قازا تاپتى، دەپ حابارلايدى Egemen.kz.

بۇل تۋرالى تاسس اگەنتتىگى مالىمدەدى.

تاسس اگەنتتىگىنىڭ مالىمەتىنشە، گاز جارىلعانى تۋرالى اقپارات ماسكەۋ ۋاقىتىمەن 11 قىركۇيەك كۇنى ساعات 00:52-دە تۇسكەن. ءۇيدىڭ ەكى كىرەبەرىسىنىڭ ءبىرى وپىرىلىپ قالعان. ۇيدە بارلىعى 16 پاتەر بولعان، سونىڭ سەگىزى قيراعان. ەكى ادام قازا تاپتى، ونىڭ ءبىرى – ءسابي، ەكىنشىسى 1971 جىلعى ايەل.

«سەگىز ادام زارداپ شەكتى، ونىڭ بەسەۋى بىردەن اۋرۋحاناعا جاتقىزىلدى. ولاردىڭ اراسىندا ءبىر ءبۇلدىرشىن بار.

زارداپ شەككەن 2012 جىلعى قىز بالانى ەلەتس قالالىق بالالار اۋرۋحاناسىنا جەتكىزدى، دارىگەرلەر ونىڭ جاعدايىن ورتاشا اۋىر دەپ باعالاپ وتىر. تاعى ءبىر زارداپ شەگۋشىگە امبۋلاتورلىق كومەك كورسەتىلدى. كەيىنىرەك تاعى ءبىر ادامدى تۋىستارى اۋرۋحانادان الىپ كەتتى. دارىگەرلەر زارداپ شەگۋشىلەردىڭ جاعدايىن ورتاشا اۋىر دەپ وتىر»، دەدى جەدەل قىزمەتتەن.

قۇتقارۋشىلار ءۇيىندى استىنان ءبىر ادامدى ىزدەپ جاتىر. الدىن الا مالىمەت بويىنشا، جارىلىس گازدىڭ تارالۋى سالدارىنان بولعان. وسىعان قاتىستى قىلمىستىق ءىس قوزعالدى. ليپەتسكي وبلىسىنىڭ بيلىگى ءۇي تۇرعىندارىنا كومەك كورسەتەتىنىن جاريالادى. وڭىرلىك بيلىك ەكىقاباتتى ءۇيدىڭ ءومىر سۇرۋگە جارامسىز ەكەنىن مالىمدەدى. وسى وقيعاعا دەيىن تۇرعىن ءۇي اپاتتىق جاعدايدا بولماعان.

سوڭعى جاڭالىقتار

الماتىدا تروللەيبۋس ورتەندى

وقيعا • 24 ماۋسىم، 2022

تۇركپا-نىڭ اتاۋى وزگەرەدى

پارلامەنت • 24 ماۋسىم، 2022

ۇقساس جاڭالىقتار