ايتۋلارىنشا, بيىل قاڭتار ايىندا ءوز اۋلاسىندا ءولى كۇيىندە تابىلعان 82 جاستاعى اعاسىنىڭ ءمايىتىن ۇيىندە ۇستاپ, ءىستى بولعان ايەل جۇمىسقا قايتا ورالعان.
«جانتۇرشىگەرلىك وقيعاعا بايلانىستى قوزعالعان قىلمىستىق ءىس قىسقارتىلعان, بىراق ءبىز ءبارىبىر ول ادامنان قورقامىز», دەيدى جينالعاندار.
مۇردەنى 7 اي بويى ۇيىندە ساقتاعان بيولوگيا ءپانىنىڭ مۇعالىمى اۋىلداعى ق.احمەدياروۆ اتىنداعى ورتا مەكتەپتە جۇمىس ىستەيدى. جانتۇرشىگەرلىك وقيعادان سوڭ ءالى كۇنگە ەس جيا الماي جۇرگەن تاڭدايلىقتار ونىڭ مەكتەپتەن عانا ەمەس, اۋىلدان دا كوشىپ كەتۋىن تالاپ ەتۋدە. سەبەبى مۇنداي وقيعاعا قاتىسى بار ادامنىڭ وقۋشىلارعا ساباق بەرگەنىن قالامايدى.
اتا-انالار مەكتەپ ديرەكتورىنا مۇعالىمدى جۇمىستان شىعارۋدى تالاپ ەتىپ, بىرنەشە مارتە ارىز جازعان. بولماسا بالالارىن ساباققا جىبەرمەيتىنىن ەسكەرتكەن. بىراق ديرەكتورى جۇمىستان شىعارۋعا ەش قۇقى جوعىن جەتكىزگەن.
– زاڭعا سايكەس تەرگەۋ ءىسى بويىنشا اقتالىپ شىقتى. ەشقانداي جازىعى جوق. جۇمىسقا ورنالاسۋ كەرەك دەگەن تاپسىرمالارمەن بىزدەر جۇمىسقا ورنالاستىرىپ, شەتتەتىلگەن ۋاقىتىنداعى ەڭبەكاقىلارىن تولەپ شىقتىق. قازىر ەندى جۇمىسقا قوسپاسقا ءبىزدىڭ ەشقانداي قۇزىرىمىز جوق, - دەيدى مەكتەپ ديرەكتورى.
400 ءتۇتىنى بار تاڭداي اۋىلىن ءدۇر سىلكىندىرگەن وقيعا قاڭتار ايىندا بولعان. 80-نەن اسقان قاريانىڭ اياق استىنان ءىز-ءتۇسسىز كەتكەنىنە تۋىستارى دا كۇمانمەن قاراپتى. ويتكەنى قارىنداسى اعاسىن ءار ءتۇرلى سىلتاۋ ايتىپ, الەۋمەتتىك قىزمەتكەرلەرگە كورسەتپەي قويعان. كورىنەدى. ال كورشىلەرى بىرنەشە اي بويى قولقانى قابقان يىسكە تۇنشىققاندارىن ايتادى. سودان كەيىن عانا ءمان-جايى بەلگىلى بولعان كورىنەدى.
مۇعالىم قازىر 9-10,11 سىنىپتارعا بيولوگيا پانىنەن ساباق بەرەدى. وتىز جىلدان اسا تاجىريبەسى بار ۇستاز بۇكىل اۋىل قارسى شىققانىنا قاراماستان, جۇمىسىندا قالا بەرەتىنىن اشىپ ايتقان. ال ءوزى تەلەارنا تىلشىلەرىنە سۇحبات بەرۋدەن باس تارتقان.
