ءۇرجار اۋدانىندا تۋريزم سالاسىنا ەرەكشە كوڭىل بولىنۋدە. دەمالۋشىلارعا جايلى جاعداي جاساۋ ماقساتىندا اۋقىمدى جوبالار ىسكە اسىرىلىپ جاتىر.
اۋدان ورتالىعىنداعى اۋەجايدى قايتا جاڭعىرتۋ جۇمىستارى دا جالعاسۋدا. بۇل تۋرالى شقو ايماقتىق كوممۋنيكاتسيالار ورتالىعىندا وتكەن ءباسپاسوز ءماسليحاتى بارىسىندا اۋدان اكىمى نۇرجان توقسەيىتوۆ ءمالىم ەتتى. «الاكولدە «ماقانشى-كوكتال» باعىتى ارقىلى جوعارى كەرنەۋلى ەلەكتر جەلىسى تارتىلدى.
سونىمەن قاتار كول جاعالاۋىندا سۋ قۇبىرىن تارتۋ جۇمىستارىن جۇرگىزۋ ماقساتىندا بيۋدجەتتەن 986,5 ملن تەڭگە بولىنگەن. بيىل جاز ماۋسىمىندا دەمالىس ورنىنا 1 ملن-نان استام تۋريست كەلدى», دەيدى نۇرجان توقسەيىتوۆ.
ونىڭ ايتۋىنشا, بيىل الاكولدە پوليتسيا جانە فەلدشەرلىك پۋنكت سالۋعا وبلىستىق بيۋدجەتتەن 157,1 ملن تەڭگە قارجى جۇمىلدىرىلعان.
قۇرىلىس جۇمىستارى جىل سوڭىنا دەيىن اياقتالادى.
