«وتكەن جىلعى» ساناتىنداعى قىلمىستاردى اشۋ اقمولا وبلىسى پد ەرەكشە باقىلاۋىندا. ماسەلەن, كوكشەتاۋ قالالىق پب كريمينالدىق پوليتسيا قىزمەتكەرلەرى رەسپۋبليكالىق «اۆتوموبيل» جەدەل الدىن الۋ ءىس-شاراسىن وتكىزۋ بارىسىندا سقو وبلىسىنىڭ تۇرعىنىنا تيەسىلى «Dodge Magnum» ماركالى اۆتوكولىكتى ايداپ اكەتۋ فاكتىسى بويىنشا وتكەن جىلدارداعى قىلمىستى اشتى.
2019 جىلعى 11 ماۋسىمدا كوكشەتاۋ قالاسىنىڭ ۋپ-عا سولتۇستىك قازاقستان وبلىسىنىڭ تۇرعىنى تۇنگى ۋاقىتتا بەلگىسىز تۇلعا تسق-نىڭ تۇراق ايماعىنان اۆتوكولىگىن ايداپ اكەتكەنىن ايتىپ, ارىزدانعان. شىعىن سوماسى 4 ملن. تەڭگەنى قۇرادى.
«اۆتوموبيل» جەدەل-ىزدەستىرۋ ءىس-شارالارىن جۇرگىزۋ بارىسىندا پوليتسيا قىزمەتكەرلەرى كوكشەتاۋ قالاسىنىڭ 32 جاستاعى تۇرعىنىن ۇستادى. قىلمىس جاسالعان ءتۇنى 2019 جىلدىڭ 11 ماۋسىمىنا قاراعان ءتۇنى كۇدىكتى تسق قىزمەتكەرى ماس كۇيىندە اۆتوكولىكتى ايداپ اكەتىپ, 30 مينۋت بويى قالا ىشىندە جۇرگەن. كەيىن ءاۆتوموبيلدىڭ اقاۋلىعىنا بايلانىستى كولىكتى كوكشەتاۋ قالاسىنان زەرەندى اۋدانىنا شىعار جولدا قالدىرىپ كەتكەن. اتالعان فاكتى بويىنشا قر قك-ءنىڭ 200-بابى 1-بولىگى ء(اۆتوموبيلدى زاڭسىز يەلەنۋ) بويىنشا سوتقا دەيىنگى تەرگەۋ باستالدى.
