ء«بىزدىڭ تاجىريبەمىزدە بالالار, قارتتار جانە ۇمىتشاق پاتەر يەلەرى جابىلىپ قالعان ەسىكتىڭ ارعى جاعىندا قالىپ قويعان جاعدايلار جەتكىلىكتى. كەيبىرىنىڭ ەسىگى جابىلىپ قالسا, ال كەيبىرى ءتىپتى كەلەڭسىز جاعدايلارعا تاپ بولىپ جاتادى. كوبىنەسە قۇتقارۋشىلاردىڭ كومەگىنە جالعىزباستى قارتتار, جالعىز قالعان كىشكەنتاي بالالار مۇقتاج بولادى. ومىرگە قاۋىپ دەگەنىمىز - بۇل پاتەردىڭ ىشىندە ەسىكتى ءوز بەتىنشە اشا المايتىن ادامداردىڭ (كىشكەنتاي بالا, قارت ادام, مۇگەدەك جانە ت.ب.) بولۋى. سونداي-اق قوسۋلى قالعان ەلەكتر جابدىقتارى, گاز قوندىرعىلارى, جىلىتۋ قۇرالدارى ءورت شىعۋىنا سەبەپ بولۋى ىقتيمال», دەپ اتاپ ءوتتى شقو تجد «وسجاقجق» مم باستىعىنىڭ ورىنباسارى بولات نۇردىباەۆ.
