19 ماۋسىم كۇنى ساعات 22:50 شاماسىندا الماتى-وسكەمەن تاسجولىنىڭ 225-شاقىرىمىندا كولىك اپاتى بولدى.
«ميتسۋبيسي گالانت» كولىگىنىڭ 36 جاستاعى جۇرگىزۋشىسى اراقاشىقتىقتى ساقتاماي «سكانيا 124» جۇك كولىگىنە سوعىلعان. «ميتسۋبيسي گالانت» كولىگىنىڭ جولاۋشىسى مەرت بولدى. وسى كولىكتەگى تاعى ءبىر ادام اۋرۋحانادا جان تاپسىردى.
«وسى جەڭىل اۆتوكولىكتىڭ تاعى ەكى جولاۋشىسى ءتۇرلى دەنە جاراقاتىمەن ەمدەۋ مەكەمەسىنە ءتۇستى. قازىر اتالعان فاكتىگە سايكەس قر قك 345 بابى 4 بولىگى بويىنشا سوتقا دەيىنگى تەرگەۋ باستالدى», دەلىنگەن الماتى وبلىستىق پوليتسيا دەپارتامەنتى ءباسپاسوز قىزمەتى جاريالاعان حابارلامادا.
