جارما اۋدانىندا وتكىزىلىپ جاتقان «قاۋىپسىز جول» جەدەل-پروفيلاكتيكالىق ءىس-شاراسى كەزىندە جارمالىق پوليتسەيلەر «وپەل» ماركالى اۆتوكولىگىن باسقارىپ كەلە جاتقان قالباتاۋ اۋىلىنىڭ تۇرعىنىن توقتاتقان.
انىقتالعانداي, جۇرگىزۋشى ەسىرتكى قابىلداپ, ماساڭ كۇيدە بولعان.
تەكسەرۋ كەزىندە ازامات بۇرىن اۆتوكولىكتى ماس كۇيىندە باسقارعانى ءۇشىن جارما اۋداندىق سوتىنىڭ شەشىمىمەن 3 جىلعا كولىك قۇرالىن باسقارۋ قۇقىعىنان ايىرىلعان. اتالعان وقيعا بويىنشا قر قك-ءنىڭ 346-بابى 1 بولىگىمەن ( كولىك قۇرالدارىن باسقارۋ قۇقىعىنان ايىرىلعان جانە الكوگولدىك, ەسىرتكىلىك جانە (نەمەسە) ۋىتقۇمارلىق ماساڭ كۇيدەگى ادامنىڭ كولىك قۇرالىن باسقارۋى, سول سياقتى كولىك قۇرالىن باسقارۋدى وسىنداي ادامعا بەرۋ نەمەسە كولىك قۇرالىن وسىنداي ادامنىڭ باسقارۋىنا جول بەرۋ) سوتقا دەيىنگى تەرگەۋ امالدارى باستالدى.
كۇدىكتى جارما اپب-ءنىڭ ۋاقىتشا ۇستاۋ اباقتىسىنا قامالدى.
