رۋحانيات • 14 ءساۋىر، 2021

قازاقتىڭ نۋريكامالى دۇنيەدەن ءوتتى

2285 رەت كورسەتىلدى

قازاقستاننىڭ ەڭبەك سىڭىرگەن قايراتكەرى نۋريكامال سەيىتجانقىزى دۇنيە سالدى، دەپ حابارلايدى Egemen.kz.

نۋريكامال سەيىتجانقىزى 1949 جىلى 12 ناۋرىزدا اقمولا وبلىسى دەرجاۆين اۋدانىنىڭ براتوليۋبوۆكا اۋىلىندا تۋعان. ۇزاق جىلدار لاۋازىمدى قىزمەتتەر اتقارعان.

ەل اراسىندا كەڭ تانىلعان «نۋريكامال» ءانىنىڭ كەيىپكەرى. ءاننىڭ ءسوزىن جازعان - ءحانبيبى ەسەنقاراقىزى، ءان اۆتورى - تۇردىقىلىش ىزتاەۆ. ولار ەرلى-زايىپتى جاندار. ءان 1988 جىلى جارىق كورگەن. نۋريكامالعا عاشىق بولىپ قالعان تۇردىقىلىش ىزتاەۆ وسى ءاندى جازادى. ول كەزدە وتباسىنىڭ ءۇش بالاسى بولعان.

ءحانبيبى ەسەنقاراقىزى ءبىر كۇنى جارىنىڭ پيانينو جانىندا وتىرعانىن كورەدى. جارىنىڭ نۋريكامال ەسىمدى بويجەتكەنگە عاشىق بولىپ قالعانىن بىلەدى. سول ساتتە جارىنىڭ اتىنان نۋريكامالعا ولەڭ جازىپ، «ايتقىڭ كەلگەنى وسى ما ەدى؟» دەپ ولەڭدى جولداسىنا ءوزى اكەلىپ بەرگەن ەكەن.

بۇگىندە بۇل ءان حالىققا جۇبانىش جەكسەن ۇلىنىڭ ورىنداۋىمەن كەڭىنەن تانىمال.

سوڭعى جاڭالىقتار

اقىرەتكە دەيىنگى ادالدىق

ونەر • بۇگىن، 10:23

ۇقساس جاڭالىقتار