«8 اقپاننان 10 اقپانعا دەيىن – ءۇش كۇن بويى «قىزىل» ايماقتا بولدىق. سودان كەيىن تاعى دا «سارى» ايماققا اۋىستىق, قازىر ءبىز «سارى» ايماقتا تۇرمىز. وسىعان بايلانىستى, ارينە قازىر بەكىتىلگەن كريتەريلەرگە بايلانىستى شەكتەۋ شارالارىن جەڭىلدەتۋ ماسەلەسى قاراستىرىلۋدا. ياعني, بۇل ماسەلە قازىر تالقىلانىپ جاتىر, ەگەر وسى اپتادا تۇراقتى تۇردە «سارى» ايماقتا بولساق, ارينە بىرقاتار جەڭىلدىك قابىلدانادى», دەدى س.بەيسەنوۆا نۇر-سۇلتان قالاسىنىڭ اكىمدىگى ۇيىمداستىرعان ونلاين-بريفينگتە.
ايتا كەتەيىك, نۇر-سۇلتاندا اقپان ايىنىڭ باسىنان بەرى 2192 جاعداي تىركەلگەن. نۇر-سۇلتاندا كوروناۆيرۋسپەن اۋىرعانداردىڭ نەگىزگى ۇلەسى 30-39 جاستا.
قازىرگى ۋاقىتتا ەلوردادا 21 مەكتەپتە كارانتين جالعاسۋدا. ال ءوز قالاۋىمەن ۆاكتسينا سالدىرعىسى كەلەتىن ەلوردالىقتار مامىر ايىندا ەكپە الا الادى.
