«قازىرگى كەزدە ەكولوگيالىق جانە سانيتارلىق تالاپتارعا سايكەس كەلمەيتىن پوليگونداردىڭ جاعدايى ماڭىزدى ماسەلەلەردىڭ ءبىرى بولىپ وتىر. مينيسترلىك ەل بويىنشا اۋداندىق جانە وبلىستىق ورتالىقتار ءۇشىن قاجەتتى پوليگونداردىڭ سانىنا تالداۋ جۇرگىزدى. ەسەپتەۋلەر بويىنشا ورتالىقتاردا 110 پوليگون ىستەپ تۇر. بۇل رەتتە, ءبىرىنشى كەزەڭدە قالالار مەن ءىرى اۋدانداردا ءۇش جىلدا كەمىندە 84 پوليگون سالۋ كەرەك», پىرىمقۇلوۆ.
ونىڭ ايتۋىنشا, 6 قالادا قوقىس جاعاتىن زاۋىت سالۋ جوسپاردا بار (نۇر-سۇلتان, الماتى, شىمكەنت, اتىراۋ, تاراز, اقتوبە). وسى ورايدا باسقا دا قالالار بۇل جوسپارعا قىزىعۋشىلىق تانىتىپ وتىر.
«بيىلدىڭ ءبىرىنشى جارتىجىلدىعىندا اۋكتسيون وتكىزۋ جانە ەنەرگيا ءوندىرۋشى ۇيىمداردىڭ تىزبەسىن قالىپتاستىرۋ, ال ەكىنشى جارتىجىلدىقتا قورىتىندى شىعارۋ ەسكەرىلگەن», دەدى ۆيتسە-مينيستر.
قالدىقتاردىڭ جينالۋىن ازايتۋ ءۇشىن WASTE TO ENERGY تەحنولوگياسىمەن قالدىقتاردى ەنەرگەتيكالىق كادەگە جاراتۋ ەنگىزىلەدى. قوقىس ورتەلىپ, ەلەكتر قۋاتى وندىرىلەدى جانە ول جالپى ەلەكتر جەلىسىنە ساتىلادى. بۇدان بۇرىن حابارلانعانداي, 2020 جىلى 1 022 ەكولوگيالىق تەكسەرۋ جۇرگىزىلدى.
تەكسەرىستەر سانىنىڭ ازايۋى ەلدەگى كارانتينگە بايلانىستى. تەكسەرۋ ناتيجەلەرى بويىنشا 2 875 زاڭ بۇزۋشىلىق انىقتالدى. ولاردى جويۋ تۋرالى 1 966 نۇسقاما بەرىلىپ, سونىڭ 1540-ى ورىندالدى.
