يسيمباەۆا گۇلميرا يستايبەكقىزى - ءتورتىنشى جانە بەسىنشى شاقىرىلعان قازاقستان رەسپۋبليكاسى پارلامەنت ءماجىلىسىنىڭ دەپۋتاتى, التىنشى شاقىرىلعان پارلامەنت ءماجىلىسى توراعاسىنىڭ ورىنباسارى, كوپتەگەن جىلدار الماتى قالاسىنىڭ ءبىلىم باسقارماسىنىڭ باستىعى بولىپ ىستەگەن.
قازاقستان رەسپۋبليكاسىنىڭ ءبىلىم جانە عىلىم ءمينيسترى اسحات ايماعامبەتوۆ «اباي اتىنداعى قازاق ۇلتتىق پەداگوگيكالىق ۋنيۆەرسيتەتى» رەكتوراتىنىڭ جينالىسىندا گۇلميرا يسيمباەۆانى ديرەكتورلار كەڭەسىنىڭ توراعاسى رەتىندە مينيسترلىك تاراپىنان ۇسىنىستى قابىلداعانى ءۇشىن راقمەتىن ايتا وتىرىپ, ديرەكتورلار كەڭەسىنىڭ توراعاسىنا سايلانۋىمەن قۇتتىقتادى. گۇلميرا يستايبەكقىزىنىڭ زاڭ سالاسىنداعى, ياعني قر ء«بىلىم تۋرالى», «پەداگوگ مارتەبەسى تۋرالى» زاڭدارىن تالقىلاۋ جانە ونىڭ قابىلداۋ كەزىندە زور ۇلەسىن قوسقانى تۋرالى ەرەكشە اتاپ ءوتتى - قر بعم اسحات ايماعامبەتوۆ.
«15 قاڭتار 2021 جىلدىڭ مەملەكەت باسشىسى قاسىم-جومارت توقاەۆ VII سايلانعان پارلامەنتتىڭ ءبىرىنشى سەسسياسىنىڭ اشىلۋىندا سويلەگەن سوزىندە جەتى باسىمدىقتىڭ ءبىرى رەتىندە ەلباسى باستاعان ادامي كاپيتالدى دامىتۋ ەكەندىگىن اتاپ ءوتتى. سونىمەن قاتار وڭىرلەر مەن الەۋمەتتىك توپتار اراسىندا ءبىلىم ساپاسىنىڭ الشاقتىعىن جويۋ جونىندە ناقتى تاپسىرمالاردى بەردى. ول تاپسىرمالاردى ورىنداۋ اسىرەسە مۇعالىم دايىنداۋ ماسەلەسىنە تىكەلەي قاتىستى. سوندىقتان ديرەكتورلار كەڭەسى ۋنيۆەرسيتەت ۇجىمىمەن بىرلەسە وتىرىپ ەلباسى ن.ءا. نازارباەۆتىڭ, مەملەكەت باسشىسى ك.ك. توقاەۆتىڭ تاپسىرمالارىن ورىنداۋدا ۋنيۆەرسيتەتتىڭ ءارى قاراي دامۋىنا ءوز ۇلەسىن قوسادى دەپ سەنەمىن», - دەدى ءوز سوزىندە گۇلميرا يسيمباەۆا.
الماتى
