مىسالى، قازاقستان رەسپۋبليكاسى قورعانىس مينيسترلىگىنىڭ پەتروپاۆل قالاسىندا ورنالاسقان اسكەري-تەحني­كالىق مەكتەبى سولتۇستىك قازاقستان وبلىسىنان بولەك قوستاناي وبلىسىنا دا اسكەري ماماندار دايارلايدى.

ءدال قازىرگى ساتتە قوس وبلىستان جينال­عان 39 جىگىت اتالعان مەكتەپتە اسكەري-ءبىلىم الىپ جاتىر. ولار كەلە سالىسىمەن جاۋىنگەرلىك جارعىمەن تانىسىپ، اسكەري جاتتىعۋلاردى ورىنداۋدى ۇيرەندى. قىسقا ۋاقىت ارالىعىندا ءتۇرلى اسكەري قارۋ-جاراق­تاردى قولدانۋدىڭ ءادىس-تاسىلدەرىن مەڭگەردى. ولاردىڭ ىشىندە كوپ قولدا­نىلاتىن اك-74، رپگ-18 جانە تاعى دا باسقا قارۋلاردى ايتۋعا بولادى. اسكەرگە شاقىرىلۋشىلار كۇندەلىكتى دايارلىقتىڭ ارقاسىندا ارنايى پولي­گونعا بارىپ اك-74 اۆتوماتىنان وق اتىپ تا كوردى.  قولدارىنا العاش رەت اۆتومات العان 7-ءشى جانە 8-ءشى ۆزۆود جاۋىنگەرلەرىنىڭ اراسىندا مەر­گەندىگىمەن كوزگە تۇسكەندەر دە بار. سونى­مەن قاتار ساربازدار بيولو­گيالىق قارۋدان قورعايتىن كيىم مەن جاب­دىقتاردى اسىنۋ، بىرنەشە پوزيتسيادا وكوپ قازۋ سەكىلدى وزگە دە جاتتىعۋلار بويىنشا نورماتيۆ تاپسىرىپ جاتىر.

بۇل مەكتەپ 1927 جىلى قورعانىسقا، اۆياتسيالىق جانە حيميالىق قۇرى­لىس­قا جاردەمدەسۋ قوعامى (وسواۆياحيم) بولىپ قۇرىلعان. ءار كەزەڭدە ءارتۇرلى ماماندار دايارلاۋىنا بايلانىس­تى مەكتەپتىڭ اتاۋىندا ءبىرشاما وزگە­رىستەر بولدى. ال قازاقستان ۇكى­مەتىنىڭ 2013 جىلعى 11 اقپانداعى №118 قاۋلىسىمەن اسكەري-تەحنيكالىق مەكتەپتى دامىتۋدىڭ جاڭا پاراعى اشىلدى دەسە دە بولادى. وسى قۇجاتتى باسشىلىققا الا وتىرىپ «قر قم ءاتم»( قازاقستان رەسپۋبليكاسى قورعانىس مينيسترلىگىنىڭ اسكەري-تەحنيكالىق مەكتەبى) رم قك پەتروپاۆل فيليالى جانىنان اسكەري وقىتىلعان رەزەرۆتىڭ جەكە قۇرامىن دايارلاۋ ءۇشىن جاعدايلار جاسالا باستادى.

سول ۋاقىتتان بەرى 2600-دەن اس­تام ادام باستاپقى اسكەري دايارلىق باع­دارلاماسى بويىنشا وقىتۋدان ءوتتى جانە «اتقىش» اسكەري بىلىكتىلىگىن يەلەندى.  ەگەر وتكەن جىلى فيليال اسكەري دايارلىقتان وتكەن 261 ادام­د­ى رەزەرۆكە شىعارسا، بيىل 360 مامان دايارلاۋ جوسپارلانعان. قا­زىرگى اسكەري دايارلىق بارىسىندا  اتقىشتاردى، پۋلەمەتشىلەردى، مەرگەندەردى، گراناتا اتقىشتاردى جانە باسقا دا مامانداردى دايارلاۋعا باعىتتالعان. الداعى ۋاقىتتا وقۋ-ماتەريالدىق بازاسىنا بايلانىس­تى پۋلەمەتشىلەردى وقىتۋ كوزدەلگەن. اتال­مىش اسكەري-مەكتەپتىڭ ديرەكتورى قاليوللا ساۋىتبەكوۆ قىسقا  ۋاقىتتىڭ ىشىندە بارىنشا قاجەتتى دۇنيەلەردى كۋرسانتتارعا ۇيرەتۋ – ءبىرىنشى مىندەتىمىز دەگەندى ايتادى.

– 40 كۇن ىشىندە اسكەري بيلەت الۋ جاستار ءۇشىن وڭتايلى بولسا، ەلىمىزدىڭ قارۋلى كۇشتەرى قاتارى ءۇشىن دە ءتيىمدى. ولار رەزەرۆپەن تولىعادى، دەيدى قا­ليول­لا ساۋىتبەكوۆ.

مۇنداعى ساربازدار قاتارىنا ءتۇر­لى جاعدايعا بايلانىستى اسكەري قىز­مەتكە شاقىرىلماعان 24-تەن 35 جاسقا دەيىنگى ازاماتتار الىنادى. ارينە، 27 جاسقا تولعان سوڭ اسكەري بيلەت بەرىلەدى. دەگەنمەن، ونداعى «اسكە­ري دايارلىقتان وتكەن جوق، اسكەري انت قابىلداماعان» دەگەن سوزدەر جاس­تار­دىڭ ماڭىزدى قىز­مەتتەرگە ورنالاسۋىنا تۇساۋ بولادى. سون­دىقتان دا اسكەري-مەكتەپ 35 جاسقا دەيىنگى ازا­ماتتاردى دا وقىتادى. مۇنداي مەكتەپتەردە ءبىلىم الۋ 263 318 تەڭگە تۇ­رادى. بۇل اقشا ساربازداردى جازعى جانە قىسقى اسكەري كيىمدەرمەن جانە ازىق-ت ۇلىكپەن قام­تۋعا ارنالعان. بۇ­دان بولەك جەكسەنبى كۇندەرى مون­شاعا اپا­رۋ سەكىلدى قاجەتتى شارالار ءۇشىن جۇمسالادى.

وقۋ كورپۋسىندا ساربازداردىڭ ءبىلىم الۋى ءۇشىن تالاپقا ساي جاعداي جاسالعان. كورپۋس قاراماعىندا كازارما، اسحانا، وقۋ بولمەلەرى، جابدىقتار، جاتتىعۋ الاڭى، اۆتودروم، سپورتزال، مۇراجاي بار. ساباقتاردى تاجىريبەلى ۇستازدار – زاپاستاعى وفيتسەرلەر يۋري گلۋموۆ، يگور چەتۆەروۆ، ۆيكتور سيروتكين،  الەكساندر ستەپانوۆ، جايلاۋ شاريپوۆ (اۋعان سوعىسىنىڭ ارداگەرى)، سادىربەك تۋيباەۆ، جانات سارسەمباەۆ جۇرگىزەدى.

جاۋىنگەرلەر ارنايى بەكىتىلگەن تاكتيكالىق، ءورت ءسوندىرۋ، ينجەنەرلىك، اسكەري-مەديتسينالىق دايىندىق،  بايلانىس جانە اسكەري توپوگرافيا جانە تاعى دا باسقا ماڭىزدى پاندەر بويىنشا ءبىلىم الادى. سايكەسىنشە، سىناق ەمتيحاندارىنا قاتىسادى. سونداي-اق دەنە شىنىقتىرۋ جاتتىعۋلارى دا ماڭىزعا يە.

باستى ماقسات – ەل باسىنا قاۋىپ تونە قالعاندا قورعان بولار اسكە­ري ءبىلىمى مەن قارىم-قابىلەتى، پاتريوت­تىق سەزىمى بار ازاماتتار قاتارىن كو­بەيتۋ. بۇل رەتتە اسكەري-تەحنيكالىق مەك­تەپتەردىڭ بەرەر پايداسى وراسان. قازىر مۇنداي مەكتەپتەر ەلىمىزدىڭ 15 قالاسىندا بار.