ولاردىڭ قاتارىندا ماكگيلل ۋنيۆەرسيتەتى (كانادا), قىتاي ساياسي عىلىمدار جانە قۇقىق ۋنيۆەرسيتەتى (قىتاي), برەمەن ۋنيۆەرسيتەتى (گەرمانيا), باكۋ مەملەكەتتىك ۋنيۆەرسيتەتى (ازەربايجان), «جوعارى ەكونوميكا مەكتەبى» ۇلتتىق-زەرتتەۋ ۋنيۆەرسيتەتى (رەسەي), مالايا ۋنيۆەرسيتەتى (مالايزيا) جانە تاشكەنت مەملەكەتتىك زاڭ ۋنيۆەرسيتەتى (وزبەكستان) سياقتى جوعارى وقۋ ورىندارىنىڭ كوماندالارى بار. بايقاۋعا قاتىسۋشىلاردىڭ جوبالارىن مەملەكەتتىك ورگانداردىڭ وكىلدەرى مەن حالىقارالىق قۇقىق سالاسىنىڭ ماماندارى جانە جاساندى ينتەللەكت سالاسىنداعى ساراپشىلار باعالايدى.
«پرەزيدەنت ەلىمىزدى ءۇش جىل ىشىندە تولىق تسيفرلىق مەملەكەتكە اينالدىرۋ جونىندە ستراتەگيالىق ماقسات قويدى. وسى تۇرعىدا ءبىلىم سالاسى شەشۋشى رولدەردىڭ ءبىرىن اتقارۋعا ءتيىس دەپ ەسەپتەيمىن. ءبىز تەك الەمنىڭ ۇزدىك زاڭگەر ستۋدەنتتەرى باسەكەلەسەتىن الاڭ عانا ەمەس, سونىمەن قاتار تاياۋ بولاشاقتا بەتپە-بەت كەلەتىن تسيفرلىق ءداۋىردىڭ سىن-قاتەرلەرىنە جاۋاپ بەرەتىن ۇزدىك قۇقىقتىق شەشىمدەر مەن رەتتەۋشى مودەلدەردى قالىپتاستىراتىن فورمات قۇردىق», دەدى MNU باسقارما توراعاسى تالعات نارىكباەۆ.
سونداي-اق ءىس-شاراعا قاتىسۋشىلار جاڭا تەحنولوگيالاردىڭ زاڭ جۇيەسىنە, قۇقىق قاعيداتتارىنا, ەتيكا مەن ادام قۇقىقتارىنا اسەرىن زەرتتەيدى. حالىقارالىق سايىس ۋنيۆەرسيتەتتىڭ جاساندى ينتەللەكت سالاسىنداعى العاشقى جوباسى ەمەس. بۇعان دەيىن MNU ەكى جي زەرتحانا اشىپ, «AI+X» جاڭا ءبىلىم باعدارلاماسى مەن ءوز تۇلەكتەرىنە ارنالعان جاساندى ينتەللەكت بويىنشا تەگىن كۋرستى ىسكە قوستى.
ايتا كەتەيىك, العاشقى «International Legathon MaxUP» كەيس-چەمپيوناتى بىلتىر وتكەن بولاتىن.
جالعاس ازعانباەۆ
