– بۇل ايتۋلى وقيعا قىرعىزستان جانە تۇتاس ورتالىق ازيا ەلدەرى ءۇشىن تاريحي مانگە يە. قىرعىز رەسپۋبليكاسى پرەزيدەنتىنىڭ باسشىلىعىمەن جۇرگىزىلىپ وتىرعان جاسامپاز ءارى سىندارلى ساياساتتىڭ ناتيجەسىندە قىرعىزستاننىڭ حالىقارالىق ارەناداعى بەدەلى جوعارى دەڭگەيدە تانىلدى. قازاقستان قىرعىز رەسپۋبليكاسىنىڭ كانديداتۋراسىن دايەكتى تۇردە قۋاتتادى ءارى وسى جاۋاپتى ميسسيانى اتقارۋدا الداعى ۋاقىتتا جان-جاقتى قولداۋ كورسەتۋگە دايىن. قىرعىزستاننىڭ بۇۇ قاۋىپسىزدىك كەڭەسىندەگى جۇمىسىنا تابىس تىلەيمىن! – دەپ جازىلعان جەدەلحاتتا.
