2026 جىلعى 3 ماۋسىم كۇنى ساعات 17:00 شاماسىندا رەسپۋبليكالىق ماڭىزى بار «استانا – كوكشەتاۋ – پەتروپاۆل» اۆتوموبيل جولىنىڭ 254-شاقىرىمىندا جول-كولىك وقيعاسى تىركەلدى.
الدىن الا مالىمەتتەر بويىنشا, كوكشەتاۋ قالاسى باعىتىنا قاراي قوزعالىپ كەلە جاتقان Toyota Alphard اۆتوكولىگىنىڭ جۇرگىزۋشىسى كولىك قۇرالىن باسقارۋدى جوعالتىپ, قاۋىپسىز اراقاشىقتىقتى ساقتاماۋ سالدارىنان وزىمەن ءبىر باعىتتا قوزعالىپ بارا جاتقان «گازەل» اۆتوكولىگىمەن سوقتىعىسقان. اتالعان كولىك جولدىڭ ءجۇرۋ بولىگىندە تاڭبالاۋ جۇمىستارىن جۇرگىزۋدى سۇيەمەلدەپ جۇرگەن.
قورداي ماڭىنداعى قايعىلى جول اپاتى: ءبىر ادام قازا تاپتى
جول-كولىك وقيعاسى سالدارىنان 5 ادام زارداپ شەكتى. زارداپ شەككەندەردىڭ بارلىعى جەدەل مەديتسينالىق جاردەم قىزمەتىمەن بۋراباي اۋدانىنىڭ ورتالىق اۋداندىق اۋرۋحاناسىنا جەتكىزىلدى.
وقيعا ورنىن تەكسەرۋ بارىسىندا جول ۋچاسكەسىنىڭ ءتۇزۋ, جول جابىنىنىڭ اسفالتبەتوننان ەكەنى انىقتالدى. ءجۇرۋ بولىگىندە كولىك قوزعالىسىنا اسەر ەتۋى مۇمكىن قانداي دا ءبىر اقاۋلار تىركەلگەن جوق.
وقيعا بولعان ۋاقىتتا اتالعان ۋچاسكەدە «قاجسەرۆيس» جشس اقمولا وبلىستىق فيليالىنىڭ №88 جول پايدالانۋ ۋچاسكەسى جول تاڭبالارىن سالۋ جۇمىستارىن جۇرگىزىپ جاتقان.
«قازاۆتوجول» ۇلتتىق كومپانياسى جۇرگىزۋشىلەردى بەلگىلەنگەن جىلدامدىق رەجيمىن ساقتاۋعا, قاۋىپسىز اراقاشىقتىقتى ۇستانۋعا جانە جول جۇمىستارى جۇرگىزىلىپ جاتقان ۋچاسكەلەردە اسا مۇقيات بولۋعا شاقىرادى.
جول-كولىك وقيعاسىنىڭ ءمان-جايى ۋاكىلەتتى ورگاندار تاراپىنان انىقتالۋدا.
