فوتو: istockphoto.com
قاڭتار-مامىر ارالىعىندا قازاقستاندا 53,6 ملرد كۆت·ساع ەلەكتر ەنەرگياسى وندىرىلسە, تۇتىنۋ كولەمى 53,3 ملرد كۆت·ساعاتتى قۇرادى. وسىلايشا ەلدە شامامەن 300 ملن كۆت·ساعات كولەمىندە پروفيتسيت قالىپتاستى.
بۇل – سوڭعى جىلدارداعى ماڭىزدى كورسەتكىشتەردىڭ ءبىرى. بۇعان دەيىن قازاقستان ىشكى سۇرانىستى تولىق قامتاماسىز ەتۋ ءۇشىن شەتەلدەن ەلەكتر ەنەرگياسىن يمپورتتاۋعا ءماجبۇر بولاتىن. ماسەلەن, 2025 جىلى ەنەرگيا تاپشىلىعى شامامەن 1,5 ملرد كۆت·ساعاتتى قۇراپ, قاجەتتى كولەمنىڭ باسىم بولىگى رەسەيدەن جەتكىزىلگەن ەدى.
استانادا ەلەكتر ەنەرگياسىنىڭ ءتاريفى قىمباتتاۋى مۇمكىن
مامانداردىڭ ايتۋىنشا, قازىرگى ناتيجە ەلدىڭ ەنەرگەتيكالىق جۇيەسىنىڭ تەڭگەرىمدى دامىپ كەلە جاتقانىن جانە ەلەكتر ستانسالارىنىڭ تۇراقتى جۇمىسىن كورسەتەدى. بۇل ىشكى نارىقتىڭ ەلەكتر ەنەرگياسىنا دەگەن سۇرانىسىن سەنىمدى قامتاماسىز ەتۋگە مۇمكىندىك بەرەدى.
ۇكىمەتتىڭ جوسپارىنا سايكەس, 2027 جىلدىڭ ءبىرىنشى توقسانىنىڭ سوڭىنا دەيىن ەلدەگى ەنەرگيا تاپشىلىعى ماسەلەسى تولىق شەشىلۋى ءتيىس. ال 2029 جىلعا قاراي قازاقستان تۇراقتى ەلەكتر ەنەرگياسى پروفيتسيتىنە شىعۋدى كوزدەپ وتىر.
الماتىدا قوقىستى ەلەكتر ەنەرگياسىنا اينالدىراتىن كاسىپورىن بوي كوتەرەدى
بۇل ماقساتقا قولدانىستاعى ەلەكتر ستانسالارىن جاڭعىرتۋ جانە جاڭا قۋات كوزدەرىن ىسكە قوسۋ ارقىلى قول جەتكىزىلمەك. بيىل ءداستۇرلى جانە جاڭارتىلاتىن ەنەرگەتيكا سالاسىندا جالپى قۋاتى 2,6 گۆت بولاتىن جاڭا نىسانداردى پايدالانۋعا بەرۋ جوسپارلانعان.
اتاپ ايتقاندا, ءتورت گاز ەلەكتر ستانساسى سالىنىپ, ەكى ەلەكتر ستانساسىنىڭ قۋاتى كەڭەيتىلەدى. سونىمەن قاتار جاڭارتىلاتىن ەنەرگيا كوزدەرى باعىتىندا 10 جاڭا جوبا ىسكە قوسىلادى. ونىڭ ىشىندە ءتورت جەل ەلەكتر ستانساسى, بەس كۇن ەلەكتر ستانساسى جانە ءبىر سۋ ەلەكتر ستانساسى بار.
الداعى قىسقا دايىندىق: ەلەكتر ەنەرگياسىن تۇتىنۋ 18,2 گۆت-قا جەتەدى
ساراپشىلاردىڭ پىكىرىنشە, ەنەرگەتيكا سالاسىنداعى بۇل وزگەرىستەر ەلدىڭ ەنەرگەتيكالىق قاۋىپسىزدىگىن نىعايتىپ قانا قويماي, وڭدەۋ ونەركاسىبىنىڭ دامۋىنا دا سەرپىن بەرەدى. سەبەبى جاڭا ءوندىرىس ورىندارىنىڭ اشىلۋى تۇراقتى ءارى سەنىمدى ەلەكترمەن قامتۋدى تالاپ ەتەدى. ال قازىرگى كورسەتكىشتەر مۇنداي سۇرانىستى قامتاماسىز ەتۋگە مۇمكىندىك بار ەكەنىن كورسەتىپ وتىر.
