فوتو: gov.kz
ايتا كەتەيىك, بۇعان دەيىن اتا-انالار الەۋمەتتىك جەلىلەردە بالالاردىڭ مەكتەپكە قابىلدانباۋىنا قاتىستى شاعىمدارىن ايتىپ, كەيبىر وتىنىشتەردىڭ سايت جۇمىسىنىڭ كىدىرۋىنە بايلانىستى كەش تىركەلگەنىن جەتكىزگەن بولاتىن.
مەكتەپ اكىمشىلىگىنىڭ مالىمەتىنشە, ءبىرىنشى سىنىپقا قۇجات قابىلداۋ 27 مامىر كۇنى ساعات 9:00-دە باستالعان. وقۋ ورداسىنا بالالار تۇرعىلىقتى مەكەنجاي بويىنشا قابىلدانعانىمەن, ورىن جەتىسپەۋشىلىگىنە بايلانىستى بولىنگەن ورىندار العاشقى مينۋتتاردا-اق تولىپ قالعان.
«ورىس تىلىندەگى سىنىپتارعا سۇرانىس بولىنگەن ورىندار سانىنان ايتارلىقتاي جوعارى ەكەنىن ەسكەرۋ قاجەت. ورىس سىنىپتارىنىڭ ۇلەسى جالپى سىنىپ-كومپلەكتىلەردىڭ شامامەن 20%-ىن عانا قۇرايدى, سوندىقتان بوس ورىندار, ادەتتە, ءوتىنىش قابىلداۋ باستالعان العاشقى مينۋتتاردا-اق تولىپ قالادى. بارلىق ورىندارى تولىق ءبولىنىپ قويعان مەكتەپتەر بويىنشا رەزەرۆتىك ءتىزىم اشىلعان. اتا-انالار ءوتىنىش بەرىپ, كۇتۋ كەزەگىنە ەنگىزىلە الادى», دەپ حابارلادى BINOM School.
سونداي-اق جاۋاپتى مەكەمە تىزىمگە ەنگىزىلگەن اتا-انالار بوس ورىن پايدا بولعان جاعدايدا كەزەك تارتىبىمەن قابىلداناتىنىن جەتكىزدى.
ەسكە سالا كەتەيىك, ەلىمىزدە 27 مامىردان باستاپ بارلىق ءبىلىم بەرۋ ۇيىمىندا 1-سىنىپقا قۇجات قابىلداۋ باستالدى.
