فوتو: اقوردا
پرەزيدەنتتەر مازمۇندى كەلىسسوز جۇرگىزىپ, ىقپالداستىقتى كۇشەيتۋدىڭ تىڭ باعىتتارى تۋرالى اڭگىمەلەستى.
ء«وزارا ساۋدا-ساتتىق كولەمىن ارتتىرۋعا ەرەكشە نازار اۋداردىق. تاۋار اينالىمىن ۇلعايتۋ, ينۆەستيتسيالىق قارىم-قاتىناستى دامىتۋ جانە ىسكەر توپتاردىڭ بايلانىسىن ودان ءارى نىعايتۋ قاجەت ەكەنىن اتاپ وتتىك. بۇل – ماڭىزدى مىندەت. مەن قازاقستان-كيپر ەكونوميكالىق ىنتىماقتاستىعىنىڭ جول كارتاسىن ازىرلەۋدى ۇسىندىم. سونداي-اق ۇكىمەتارالىق كوميسسيا جانە ىسكەرلىك كەڭەس قۇرۋ جونىندەگى باستامالار كوتەرىلدى. بۇل قادام بىرلەسكەن جوبالاردى ىسكە اسىرىپ, ءوزارا الىس-بەرىستى ارتتىرۋعا جانە بيزنەس ءۇشىن جاڭا مۇمكىندىكتەرگە جول اشادى. سونىمەن قاتار ءبىز لوگيستيكا, قارجى, تۋريزم, تسيفرلىق تەحنولوگيالار سالاسىنداعى ءوزارا بايلانىستارىمىزدىڭ كەلەشەگى زور دەپ سانايمىز. ۇكىمەتتەرىمىزگە وسى باعىتتار بويىنشا ناقتى شارالار قابىلداۋ جونىندە تاپسىرما بەرۋگە ۋاعدالاستىق», دەدى قازاقستان پرەزيدەنتى.
قاسىم-جومارت توقاەۆ كيپرلىق سەرىكتەستەردى ترانسكاسپي ءدالىزى جوباسىنا اتسالىسۋعا شاقىرعانىن جەتكىزدى.
«وزدەرىڭىز جاقسى بىلەسىزدەر, كيپر الەمدىك دەڭگەيدەگى تەڭىز حابى سانالادى. ورتا ءدالىز اياسىندا قازاقستاننىڭ قۇرلىقتاعى جانە كيپردىڭ تەڭىزدەگى ينفراقۇرىلىمىن ءتيىمدى ۇشتاستىرۋعا مۇمكىندىك زور. بۇل قادام ورتالىق ازيا ايماعى, كاسپي ايماعى جانە جەرورتا تەڭىزى اراسىندا جاڭا كوپ سالالى لوگيستيكا جۇيەسىن قالىپتاستىرۋعا جول اشادى. سونداي-اق ءوزارا الىس-بەرىسىمىزدى ۇلعايتۋعا مۇمكىندىك بەرەدى», دەدى مەملەكەت باسشىسى.
قاسىم-جومارت توقاەۆ كيپر پرەزيدەنتىن ءى دارەجەلى «دوستىق» وردەنىمەن ماراپاتتادى
