بۇعان دەيىن ارالىق قارىزدىڭ مولشەرلەمەسى باعدارلاما ءتۇرى مەن كليەنتتىڭ باعالاۋ كورسەتكىشىنە بايلانىستى 6%-دان 8,5%-عا دەيىن وزگەرىپ وتىراتىن. جاڭا وزگەرىستەردەن كەيىن 6-7,5% مولشەرلەمەمەن نەسيە الا الاتىن ازاماتتاردىڭ يپوتەكالىق تولەمى ارتادى.
جاڭا تالاپتار باستاپقى جانە قايتالاما تۇرعىن ءۇي ساتىپ الۋ, جەكە ءۇي سالۋ, جەر تەلىمىن الۋ, تۇرعىن ءۇيدى جوندەۋ مەن جاڭعىرتۋ, ء«وز ءۇيىم» جانە «اسكەري باسپانا» باعدارلامالارىنا, سونداي-اق كەيىن ساتىپ الۋ قۇقىعىمەن جالعا بەرىلەتىن تۇرعىن ۇيگە قاتىستى بولادى.
تەمىرجولشىلارعا باسپانا: «قتج» مەن «وتباسى بانك» جاڭا جوبانى ىسكە قوستى
ارالىق قارىز – تۇرعىن ءۇي قۇنىنىڭ كەمىندە 50 پايىزىن جيناعان, الايدا تۇرعىن ءۇي زاەمىن الۋ ءۇشىن قاجەتتى باعالاۋ كورسەتكىشى (وپ) 16 دەڭگەيىنە جەتپەگەن سالىمشىلارعا بەرىلەتىن يپوتەكالىق نەسيە.
ونى راسىمدەۋ ءۇشىن ازامات دەپوزيتتە تۇرعىن ءۇي قۇنىنىڭ كەمىندە جارتىسىن جيناۋى, باعالاۋ كورسەتكىشى 5-تەن تومەن بولماۋى جانە قاراجات سالىنعاننان كەيىن كەمىندە التى اي كۇتۋى قاجەت.
سونىمەن قاتار بانك تۇرعىن ءۇي زاەمدارى بويىنشا مولشەرلەمەلەر وزگەرمەيتىنىن حابارلادى. ولار بۇرىنعىداي جىلدىق 3,5%-دان 5%-عا دەيىن ساقتالادى, ال جتسم 3,6%-دان 6,9%-عا دەيىن بولادى. مۇنداي قارىزدى الۋ ءۇشىن دەپوزيت مەرزىمى ءۇش جىلدان اسۋى, تۇرعىن ءۇي قۇنىنىڭ كەمىندە 50%-ى جينالۋى جانە باعالاۋ كورسەتكىشى 16-دان جوعارى بولۋى كەرەك.
«وتباسى بانك» كەيبىر وتانداستارىمىزدى تۇرعىن ءۇي كەزەگىنە قويۋدان نەگە باس تارتتى؟
بانك مالىمەتىنشە, 30 ميلليون تەڭگە كولەمىندەگى نەسيە بويىنشا 7,5% جانە 8,5% مولشەرلەمەلەر اراسىنداعى ايىرماشىلىق اي سايىن شامامەن 12-20 مىڭ تەڭگەنى قۇرايدى. بۇل جىلىنا قوسىمشا 144-240 مىڭ تەڭگە شىعىن دەگەن ءسوز.
ال 2026 جىلعى 4 ماۋسىمعا دەيىن نەسيە بويىنشا الدىن الا ماقۇلداۋ العان كليەنتتەر يپوتەكانى بۇرىنعى شارتتارمەن راسىمدەي الادى.
