كوللاجدى جاساعان امانگەلدى قياس, «EQ»
جاڭا ەرەجەلەر شەڭبەرىندە بانكتەر مەن اقشا اۋدارىمدارىنا باقىلاۋ كۇشەيتىلەدى. كۇماندى وپەراتسيالاردىڭ الدىن الۋ ءۇشىن جەكەلەگەن كليەنتتەر ساناتتارى قوسىمشا تەكسەرۋدەن وتەتىن بولادى.
«ەگەر ءبىر ادامنىڭ ءبىر بانكتە 5-تەن استام بانك كارتاسى نەمەسە ءارتۇرلى بانكتەردە جالپى سانى 10-نان استام كارتاسى بولسا, ول اۆتوماتتى تۇردە تاۋەكەلى جوعارى كليەنتتەر ساناتىنا جاتقىزىلادى. مۇنداي جاعدايلاردا بانك كليەنتتەن قاراجاتتىڭ شىعۋ كوزىن راستاۋدى تالاپ ەتۋى مۇمكىن, ال قاجەت بولعان جاعدايدا شوتتاردى ۋاقىتشا بۇعاتتاۋعا قۇقىلى بولادى», دەلىنگەن حابارلامادا.
يسلام بانكىنىڭ ەكىنشى دەڭگەيلى بانكتەردەن ايىرماشىلىعى نەدە؟
14 پەن 25 جاس ارالىعىنداعى جاستارعا ەرەكشە نازار اۋدارىلادى, ويتكەنى ولاردىڭ بانك كارتالارىن الاياقتار ءجيى پايدالانادى.
سونداي-اق زاڭسىز ونلاين-كازينولار مەن شەتەلدىك بۋكمەكەرلىك سايتتارعا اقشا اۋدارۋعا تىيىم سالىنادى.
21 جاسقا تولماعان ازاماتتارعا بۋكمەكەرلىك كەڭسەلەردە ءباس تىگۋگە تىيىم سالىنادى.
«7 ميلليون تەڭگەدەن اساتىن اقشا اۋدارىمدارى مىندەتتى تۇردە تەكسەرىلەدى جانە قاراجاتتىڭ زاڭدى شىعۋ تەگىن راستايتىن قۇجاتتار تالاپ ەتىلەدى», دەلىنگەن حابارلامادا.
كريپتوۆاليۋتامەن وپەراتسيالار تەك رەسمي ليتسەنزياسى بار پلاتفورمالار ارقىلى جۇزەگە اسىرىلۋعا ءتيىس.
ەسكە سالايىق, ەلدەگى ەكىنشى دەڭگەيلى بانكتەر 2025 جىلدىڭ قاڭتار-شىلدە ارالىعىندا 1,6 ترلن تەڭگە پايدا تاپقان.
