فوتو: istockphoto.com
ونىڭ ايتۋىنشا, قازىرگى تاڭدا ەكى ەل اراسىنداعى تالاپتاردا ايقىن تەڭسىزدىك بار ەكەندىگى بايقالادى. قازاقستاندا تىركەلگەن كولىك يەلەرى قىتايعا كىرەر كەزدە ۋاقىتشا تىركەۋ راسىمىنەن ءوتىپ, ۋاقىتشا جۇرگىزۋشى كۋالىگى مەن ارنايى نومىرلىك بەلگىنى الۋى ءتيىس. سونىمەن قاتار ساقتاندىرۋ راسىمدەلىپ, قۇجاتتار اۋدارىلىپ, باقىلاۋ-تەكسەرۋ شارالارىنان وتەدى.
ال بۇل قىزمەتتەردىڭ بارلىعى اقىلى نەگىزدە كورسەتىلەدى.
«بۇل راسىمدەردىڭ بارلىعى اقىلى نەگىزدە جۇرگىزىلىپ, ارنايى قىزمەتكەرلەردىڭ شىعىندارىن وتەۋگە باعىتتالعان. قازىرگى دەرەكتەر بويىنشا, ءبىر اۆتوكولىككە قاتىستى بارلىق راسىمدەردىڭ قۇنى شامامەن 8-9 مىڭ يۋاندى نەمەسە 560 مىڭ تەڭگەنى قۇرايدى. وسىلايشا قىتاي تاراپى شەتەلدىك كولىكتەردى باقىلاپ قانا قويماي, رەسمي تابىس تا تابادى», دەدى دەپۋتات.
بولاتبەك ناجمەتدين ۇلىنىڭ ايتۋىنشا, 2025 جىلى جانە بيىلعى جىلدىڭ العاشقى ءتورت ايىندا قازاقستان اۋماعىنا 8 مىڭنان استام قىتايلىق كولىك كىرگەن. دەپۋتات قازاقستان دا وسىنداي ءتاسىلدى قولدانسا, بيۋدجەتكە شامامەن 5 ملرد تەڭگە كولەمىندە قوسىمشا كىرىس ءتۇسۋى مۇمكىن ەكەندىگىن ايتتى.
قىتايلىق BYD برەندى ساپاسىز اۆتوكولىكتەردى كەرى قايتارىپ الاتىنىن مالىمدەدى
سونداي-اق ول بۇل ۇسىنىس ءتۋريزمدى شەكتەۋگە باعىتتالماعانىن, كەرىسىنشە قۇقىقتىق تەڭدىك, قاۋىپسىزدىك ماسەلەرىن رەتتەۋگە مۇمكىندىك بەرەتىنىن اتاپ ءوتتى.
ەسكە سالا كەتەيىك, بۇعان دەيىن قىتايدان BYD Destroyer 05 كولىكتەرىن اكەلگەن ازاماتتار مەملەكەتتىك كىرىستەر ورگاندارىنىڭ ارەكەتىنە نارازىلىق بىلدىرگەن ەدى. ولاردىڭ ايتۋىنشا, كولىكتەر سول كەزدەگى زاڭناماعا ساي راسىمدەلگەنىنە قاراماستان, كەيىننەن كەدەندىك تولەمدەر قايتا ەسەپتەلىپ, شوتتار بۇعاتتالا باستاعان.
