الداعى 3 جىلدا وڭىردە 48 ينۆەستيتسيالىق جوبا جۇزەگە اسىرىلىپ, 10 308 جاڭا جۇمىس ورنى اشىلادى. بيىل 100 ملرد تەڭگەنىڭ 21 جوباسى ىسكە قوسىلادى. ولاردىڭ قاتارىندا قۋاتتىلىعى 3 500 توننالىق قۇس فابريكاسى, 5 200 توننالىق تاۋارلى ءسۇت فەرماسى, «پانا» قوناق ءۇيى, گوفرلەۋ جانە كارتوننىڭ تەگىس قاباتىنا قاجەتتى قاعاز ءوندىرۋ زاۋىتى, جالپى قۋاتتىلىعى 50 مۆت بولاتىن 2 كۇن ەلەكتر ستانساسى بار.
سونىمەن بىرگە 753 ملرد 300 ملن تەڭگە بولاتىن 14 ءىرى جوبانىڭ قۇرىلىسى مەجەلەنىپ وتىر. وتكەن جىلى كورەيالىق «ۋيز يۋ» كومپانياسىنىڭ تۇرمىستىق قاتتى قالدىقتاردى سۇرىپتاۋ كەشەنى, «ريكسوس» قوناق ءۇيىنىڭ قۇرىلىسى باستالدى. «تابيعي تاس قىزىلوردا» سەرىكتەستىگى جىلىنا 1 ملن 100 مىڭ توننا اك وندىرەتىن زاۋىتىن ىسكە قوسادى.
«شالقيا» كەن-بايىتۋ فابريكاسى, «ارال سودا» سەرىكتەستىگىنىڭ كالتسيلەنگەن سودا, «سەۆەن ريۆەرس» كومپانياسىنىڭ شىنى بوتەلكە, يسپاندىق «روكا گرۋپپ» كومپانياسىنىڭ جىلىنا 500 مىڭعا دەيىن سانيتارلىق-تەحنيكالىق ءونىم شىعاراتىن زاۋىتتارىنىڭ قۇرىلىسى بيىل باستالادى.
قىزىلوردا
