ايماقتار • 28 قىركۇيەك، 2020

شىمكەنتتىك قوعامدىق كولىكتەر ەلەكتروندى تولەم جۇيەسىنە كوشەدى

25 رەت كورسەتىلدى

15 قازاننان باستاپ شىمكەنتتىڭ قوعامدىق كولىكتەرىندە جولاقىسىن ەلەكتروندى تۇردە تولەۋگە بولادى، دەپ حابارلايدى Egemen.kz شىمكەنت قالاسىنىڭ اقپاراتتىق-كوممۋنيكاتسيالىق ورتالىعىنا سىلتەمە جاساپ. 

شىمكەنت قالاسىنداعى قوعامدىق كولىكتەرگە "تولەم" ەلەكتروندى بيلەت جۇيەسىن ەنگىزۋ ماسەلەسى بويىنشا ءباسپاسوز بريفينگى ءوتتى. شىمكەنت قالاسى اكىمىنىڭ ورىنباسارى ماقسۇت يساحوۆ، "QazSmartTrans" جشس باسشىسى سەرجان اقىلباەۆ جاڭا جوبا جايلى جان-جاقتى ءتۇسىندىرىپ بەردى.
 
– ەلەكتروندى تولەم جۇيەسىن ەنگىزۋ "QazSmartTrans" جشس-ءنىڭ جەكە ينۆەستيتسيا ەسەبىنەن اتقارىلۋدا. ينۆەستيتسيا كولەمى – 1،2 ملرد. تەڭگە. بۇگىندە ستاتسيونارلىق ۆاليدارتورلار 350-دەن استام اۆتوبۋسقا ورناتىلدى. 30 قىركۇيەككە دەيىن بارلىق اۆتوبۋستارعا قويىلادى. جالپى 15 قازاننان باستاپ تولەم جۇيەسى ەنگىزىلەدى. 1 قاراشاعا دەيىن جولاۋشىلار تولەم كارتاسى جانە قولما قول تولەۋگە مۇمكىندىگى بار. 1 قاراشادان باستاپ، كارتا ارقىلى 70 تەڭگە، قولما قول تولەۋ 100 تەڭگە بولادى.
 
بۇل جوبانى كوپتەن كۇتكەن ەدىك. شىمكەنت قالاسىنداعى قوعامدىق كولىكتى مودەرنيزاتسيالاۋ بىرنەشە كومپونەنتتەردەن تۇرسا، سونىڭ ءبىرى ەلەكتروندى بيلەت جۇيەسى. جوبانى ىسكە اسىرۋداعى نەگىزگى ماقسات – "تسيفرلى قازاقستان" مەملەكەتتىك باعدارلاماسىن ىسكە اسىرۋ، قوعامدىق كولىكتىڭ قىزمەتىن جاقسارتۋ جانە جولاۋشىلارعا قولايلى جاعدايلاردى جاساۋ، قالالىق بيۋدجەتكە تۇسىمدەردى ارتتىرۋ، جولاۋشىلار اعىنىنىڭ تارالۋى بويىنشا ناقتى ستاتيستيكالىق ەسەبىن بەرۋ، ناقتى دەرەكتەر ارقىلى الەۋمەتتىك ءمانى بار مارشرۋتاردى سۋبسيديالاۋ، – دەدى ماقسۇت پەرنەباي ۇلى.
 
قوعامدىق كولىكتە تولەم جاساۋ ءۇشىن ەلەكتروندى كارتالاردىن 4 ءتۇرى قاراستىرىلعان – ستاندارتتىق (جالپى پايدالانۋعا)، مەكتەپ وقۋشىلارىنا، ستۋدەنتتەرگە جانە جەڭىلدىقتەرگە ارنالعان كارتالار.
 
كومپانيا باسشىسى سەرجان اقىلباەۆ جاڭا جوبا جايلى تولىعىراق مالىمەت بەردى. ونىڭ ايتۋىنشا، كولىك كارتاسىنىڭ باعاسى 500 تەڭگە. جولاۋشىلار كولىك كارتاسىمەن، SMS، QR-كود، سمارتفوندى (NFC) قولدانا وتىرىپ، جول ءجۇرۋ اقىسىن تولەي الادى. تولەم كارتالارى قالادا 3000-نان استام ورىندا، دۇكەندە ساتىلادى. كارتانى بانكتەردىڭ بانكوماتتارى ارقىلى، ءموبيلدى قوسىمشالار ارقىلى تولتىرۋعا بولادى.
 
"QazSmartTrans" جشس-گى تاراپىنان 14 مىڭ كولىك كارتا ۇلى وتان سوعىسى ارداگەرلەرى مەن مۇگەدەكتەرىنە، تىل ەڭبەككەرلەرىنە (ەرەن ەڭبەگى ءۇشىن مەدالىمەن ماراپاتتالعاندار) باتىر انا، التىن القا، كۇمىس القا ءتوس بەلگىلەرىمەن ماراپاتتالعاندارعا جانە ءى - توپتاعى كورۋ قابىلەتى ناشار زاعيپ جاندارعا تەگىن تاراتىلادى.
 
بۇگىندە سمارتفون پايدالانۋشىلارىنا ارنالعان "Open Shymkent" موبيلدىك قوسىمشا ازىرلەندى. تۇرعىندارعا ءتيىستى مالىمەت بەرۋ ءۇشىن 4 وپەراتورى بار CALL-ورتالىعى اشىلدى (ورتالىقتىڭ نومەرى 8 775 811 2222).
سوڭعى جاڭالىقتار

اتىراۋدا 9 بالانى يت تالادى

ايماقتار • بۇگىن، 19:57

ۇقساس جاڭالىقتار